صورة| عمرو دياب ونادر حمدي يستعدان لعمل غنائي جديد
يبدو أن الفنان عمرو دياب يستعد إلى عمل غنائي جديد، يتعاون خلاله مع الفنان والموزع الموسيقي نادر حمدي أحد أعضاء فرقة «واما».
ونشر «نادر» عبر حسابه الرسمي على موقع التواصل الاجتماعي «إنستجرام»، صورة تجمعه بالهضبة عمرو دياب داخل الاستوديو، قائلًا «cooking something».
وحرص الموزع نادر حمدي، على عدم الكشف عن أي تفاصيل حول العمل الذي يجمعه بالهضبة، واكتفى بتشويق الجمهور من خلال نشر الصورة فقط.
ومن الواضح وجود علاقة قوية تجمع عمرو دياب ونادر حمدي؛ حيث وصف الأخير الهضبة في تصريحات سابقة له بأنه «أسطورة حية».
وقال «أنا لما بشوف الراجل ده، بشوفه بشكل تاني غيركم كلكم، أنا أسف طبعا بس بجد بشوفه أسطورة حية فيها مستقبل وحاضر وتاريخ ماشي على الأرض».
وأضاف «ولسه بيمدنا بعطائه اللي أنا ماشفتش زيه في مطرب آخر، عشان كده بقّدر كل خطوة، وكل طلب بيطلبه مني لما بنشتغل مع بعض».
واستكمل «نادر»: «عمرو دياب يمثل الأغنية المصرية ولو الراجل ده مش بيتعب عشان ينجح بالشكل ده، كان زماننا ما بنسمعش غير اللي بنسمعه اليومين دول مع احترامي لكل أنواع الفن، بس احنا بنسعى للتحضر ولتحسين الذوق العام، وربنا يقدرنا جميعا، عمرو دياب أنا قولت اللي ماحدش قاله، وعملت اللي ماحدش عمله».
