تامر حسني يُعلق على أغنية بسمة بوسيل: "الدنيا كلها متغلاش عليكي"

طرحت النجمة المغربية بسمة بوسيل، طليقة المُطرب المصري تامر حسني، أول أُغنية رسمية لها، أمس الجمعة، على موقع الفيديوهات العالمي "يوتيوب".

 وحملت الأغنية اسم "البدايات"، وتأتي بعد تأديتها لعدد من أغنيات "تتر" المسلسلات، وآخرهم المسلسل الذي عُرض في موسم رمضان الماضي "نعمة الأفوكادو".

أغنية "البدايات" لبسمة بوسيل

أغنية بسمة بوسيل، "البدايات"، من كلمات أيمن بهجت قمر، وألحان محمد يحيى، وتوزيع "ومكس/ فهد، مستر/ مصطفى رؤوف"، وإنتاج النجم تامر حسني.

وروجت "بوسيل" لباكورة عملها الغنائي، عبر منشور على حسابها الشخصي، في "إنستجرام"، وكتبت: "البدايات أجمل بص حواليك وأسأل.. اسمعوا أغنيتي الجديدة البدايات دلوقتي على يوتيوب وجميع منصات الاستماع.. إن شاء الله تعجكم.. مستنية رأيكم".

وتابعت بسمة بوسيل: "على فكرة الأغنية دي بتاعت تيمو، ولما قلتله إن أنا عايزة أعمل أغاني بتاعتي، على طول شجعني، وقالي طب أول أغنية ليكي أنا هعملهالك، وطلبت منه دي عشان كنت بحبها أوي، ومترددش لحظه إنه يديهالي".

وتضمن المنشور "فيديو" قصير، يحمل جزءًا من الأغنية، كتبت عليها: "البدايات، أول أغنيه رسمية في مشواري الفني، كلمات/ أيمن بهجت قمر، ألحان/ محمد يحيى، توزيع ومكس/ فهد، مستر / مصطفى رؤوف، إنتاج/ تامرحسني".

تعليق تامر حسني على طرح أولى أغنيات "بوسيل"

كتب الفنان المصري تامر حسني، على منشور "بوسيل"، تعليقًا تضمن الكلمات الآتية:

"الدنيا كلها متغلاش عليكي يا بسووووم الف مليون مبروووووووووووووووووك وغنيتيها غُنا عظيم بجد ايوا انا المدرب والمنتج،بس احساسك هو الموضوع كله".

وأضاف تامر حسني: "كل سنه وانتي طيبه ويارب من اليوم ده كل ايامك في نجاح وفرح وانتصارات شكرًا لصناع الاغنيه المؤلف الكبير ايمن بهجت قمر والملحن الكبير محمد يحيى والموزع الكبير فهد ومهندس الصوت الكبير مصطفى رؤوف، ومبروووووووووووك يا بسووووووووووووم".

كلمات أغنية بسمة بوسيل الجديدة


يذكر أن الأغنية حصدت 95 ألف مشاهدة على "يوتيوب"، بعد 17 ساعة فقط من طرحها، وجاءت كلماتها كالتالي:

"البدايات أجمل بص حواليك و اسأل

كل حاجة حلوة في أولها ياريت حلاوتها بتكمل

حتى الوردة بتدبل وبنسكت وبنقبل

والسنين بتحط مسافة كل مدى بتطول

البدايات أجمل بص حواليك و اسأل

كل حاجة حلوة في أولها ياريت حلاوتها بتكمل

حتى الوردة بتدبل وبنسكت وبنقبل

والسنين بتحط مسافة كل مدى بتطول

وحالتنا مش جديدة نهايتنا مش بعيدة

بنخون وعودنا ومش بإيدنا كل اللي بنعمله

وتملي معرفش ليه كل اللي بنموت عليه

نفضل نحاوطه وندوق حلاوته وشوية ونهمله

وحالتنا مش جديدة نهايتنا مش بعيدة

بنخون وعودنا ومش بإيدنا كل اللي بنعمله

وتملي معرفش ليه كل اللي بنموت عليه

نفضل نحاوطه وندوق حلاوته وشوية ونهمله

اول مسكة ايد وبداية المواعيد

احنا كده نتشد وبس تملي لأي جديد

الأيام بتفوت والاحساس بيموت

والأيام بتفوت ولسه البدايات أجمل ..

اول مسكة ايد وبداية المواعيد

احنا كده نتشد وبس تملي لأي جديد

الأيام بتفوت والاحساس بيموت

والأيام بتفوت ولسه البدايات أجمل ..

وحالتنا مش جديدة نهايتنا مش بعيدة

بنخون وعودنا ومش بإيدنا كل اللي بنعمله

وتملي معرفش ليه كل اللي بنموت عليه

نفضل نحاوطه وندوق حلاوته وشوية ونهمله

وحالتنا مش جديدة نهايتنا مش بعيدة

بنخون وعودنا ومش بإيدنا كل اللي بنعمله

وتملي معرفش ليه كل اللي بنموت عليه

نفضل نحاوطه وندوق حلاوته وشوية ونهمله". 

اقرأ أيضًا: "كأني في وطني".. "جورجينا" تروي كواليس حياتها اليومية داخل السعودية