مصطفى شعبان: «عمل جزء ثاني من ملوك الجدعنة يتوقف على هذا الأمر»

admin2030

25 مايو 2021 | 10:40 صباحاً

قال الفنان المصري مصطفى شعبان، بطل مسلسل ملوك الجدعنة، الذي عرض في مارثون رمضان 2021، إنه لا يمانع في أن يكون هناك جزء ثاني من المسلسل.

وأضاف مصطفى شعبان، خلال لقائه في برنامج «الحكاية» مع الإعلامي عمرو أديب على قناة MBC مصر: "أنا دايما بدوّر على الموضوع المقنع، بغض النظر عن مدى بساطته أو تعقيده، المهم إنه يكون موضوع مقنع. لو طلع الجزء التاني مقنع يبقى هنعمله، يطلع موضوع تاني خالص يبقى أحلى، لسه بنشوف، بس أنا مش ممانع".

من جهته، عبر عمرو سعد بطل ملوك الجدعنة، عن تخوفه من الفكره بسبب ماحققه العمل من نجاح.

وقال: "أنا بخاف شوية. الحمد لله رب العالمين، يمكن أنا والراجل ده لا نجيد الكلام عن نجاحنا، مبنحبش نتكلم عن الأرقام والحاجات دي خالص، وبنتكسف نقولها، برغم إنها حلال مش مدفوعة الأجر. طبعا لو في ورق مكتوب وفكرة متماسكة تخلينا نقول هنعمل ده أنا لن أتردد."

https://youtu.be/QC8TTSjqNSA

وتابع: "أنا مش خايف من الأجزاء التانية، النجاح يا أستاذ عمرو كان كبير جدا، والأرقام اللي بتتقال لنا من المحطة ومن مراقبين أرقام ضخمة بشكل مخيف، فلهذا النجاح لازم إحنا نخاف."

يذكر أن مسلسل "ملوك الجدعنة" سيناريو وحوار عبير سليمان وأمين جمال، إخراج أحمد خالد موسى، بطولة عمرو سعد، مصطفى شعبان، عمرو عبد الجليل، أحمد صفوت، ياسمين رئيس، رانيا يوسف، دلال عبد العزيز، مريم أمين، وليد فواز وبسمة داود.