«فك عقدتها».. أول رسالة من رنا سماحة إلى خطيبها سامر أبو طالب

وجهت الفنانة الشابة رنا سماحة، رسالة إلى خطيبها الملحن المصري سامر أبو طالب، لأول مرة منذ إعلان خطبتهما رسميًا.

وأوضحت أن "سامر" ظهر في حياتها في اللحظة التي أيقنت فيها أنها بعيدة عن الارتباط العاطفي، وتفتقد الإحساس بالأمان.

ونشرت رنا سماحة صورة لها برفقة خطيبها، عبر حسابها بموقع «فيس بوك»، وعلقت عليها: «الـ post ده مش للنحنحه خالص، هسميه وأما بنعمة ربك فحدث، لأني بحس دايمًا إني مش مديه الراجل ده حقه، اللي عارفني كويس عارف قد ايه فكرة الجواز أو الارتباط عمومًا، كانت فكرة معقدة بالنسبة لي، وخصوصًا إني كنت بشوف دايمًا إننا في زمن، البنت فيه هي الراجل اللي يقدر يكون سند ويقدر يتحمل مسؤولية، ‏من غير ما ييجي راجل يتحكم فيها من أجل التحكم فقط من غير أي هدف».

وأضافت: «وكانت فترة الارتباط بالنسبة لي هي فترة الضغوط والمشاكل والعقبات اللي مالهاش آخر، ‏ومع ذلك كنت بدي اللي ف قلبي من جوايا من غير تفكير، ‏الراجل ده جالي ف وقت كنت فاقدة إحساس الأمان والثقة ف كل حاجة».

واستكملت: «‏كنت واخدة قرار إني هعيش لأهلي وشغلي ولنفسي فقط، كانت فكرة الارتباط بالنسبة لي بند ملغي من حياتي ومش هرجعله، جالي طبطب عليا واحتواني وداواني من كل جرح سندني وأنا طول عمري شايفه إني سند نفسي، ‏فرحني وطمني وعرفني يعني إيه أمان، واكتشفت أن كل اللي فات من حياتي مكانش أصلًا موجود، ‏عرفني يعني إيه حب، ‏رجعلي ثقتي ف الدنيا والحياة».

واختتمت: «‏شكرًا يا حبيبي أنك موجود ف حياتي، ‏شكرًا إنك راجل بكل ما تحمل الكلمة من معنى، ‏بحبك وربنا يحفظك ليا ويكمل فرحتنا على خير، ‏سامحوني على الإطالة».

مؤخرًا، أصدرت الفنانة الشابة، ألبوم 7 رجالة، والذي حقق نجاحًا منذ طرحه؛ حيث تعاونت من خلاله  مع عدد من الشعراء والملحنين والموزعين، هما أحمد علي موسى، هاني صارو، أحمد حسن راؤول، علي عبد السلام، شادي جابر، محمد الصاوي، مدين، محمد فخراني، محمد شفيق، نادر حمدي، أحمد عبد السلام، حازم السعيد، وطارق توكل.

اقرأ أيضًا..نيللي كريم تشارك في 3 أفلام: «قررت أركز في السينما»