مشاهير الفن

تامر حسني يفجر مفاجأة حول الدويتو الشهير مع بهاء سلطان (فيديو)

فجر المطرب المصري تامر حسني، مفاجأة حول الدويتو الشهير له مع المطرب بهاء سلطان «راجعلي تاني»؛ إذ يعد من أهم الأعمال التي حققت نجاحًا في مسيرة تامر.

وقال تامر في تصريحات تليفزيونية: «مبدأيًا كده اللي بيغني في الدويتو ده أنا وأنا برضه بس بقلد بهاء سلطان».

وحكى أنه كان من المقرر أن يقدم بالفعل دويتو مع بهاء؛ حيث قال: «قولتله تعالى بكره الاستديو عايزين نعمل فكرة حلوة لنصر محروس ونعملها مفاجأة وقالي ماشي يا حبيبي وكله تمام.

وتابع: «قعدت مستنيه ساعة اتنين تلاته وأربعة مجاش، فكلمته قولتله أنت فين أنا في الاستديو والناس كلها هنا وإزاي يعني تتأخر كل ده، المهم رد عليّ قالي وأنت كمان يا حبيبي، فحسيته نايم لسه، قولتله كمل نوم يا بهاء».

وأضاف: «عملت بقا أنا الجزء بتاعي في الأغنية، وجزء بهاء أنا برضه قلدت صوته وطلع كده، حتى لما سمعته لنصر محروس قالي الله عليه معلم، قولتله استنى هنا ده أنا أصلًا».

وأكد أنه لم يتم طرح الأغنية بشكل رسمي، لكنه تم تسريبها حينها وحققت نجاحًا، مضيفًا: «وراح كلمني بهاء بقا يقولي الناس بتطلب مني أغني الأغنية دي، هي بتقول إيه ولا كلامها إيه ولا أرد أقوهم إيه، قولتله غنيهالهم يا حبيبي واتكل على الله».

اقرأ أيضًا: سمية الألفي تكشف تطوارت حالتها الصحية: «ورم سرطاني نادر»

الرابط المختصر :
close

مرحبا 👋

سعداء بالتواصل معكم
قم بالتسجيل ليصلك كل جديد

نحن لا نرسل البريد العشوائي! اقرأ سياسة الخصوصية الخاصة بنا لمزيد من المعلومات.

اظهر المزيد

مقالات ذات صلة

اترك تعليق

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى