بيتر ميمي يرد على منتقدي "كلبش 2"

رد بيتر ميمي؛ مُخرج مسلسل "كلبش2"، على انتقادات وجهت للجزء الثاني المسلسل.

وقال مخرج مسلسل "كلبش 2" عبر حسابه الرسمي بموقع التواصل الاجتماعي فيس بوك:"عادة لا أرد على التعليقات والانتقادات، ولكني أقراها وأهتم بالتطوير والتجديد، مشيرًا إلى أن نسب مشاهدات مسلسل كلبش 2 أرتفعت مقارنة بالجزء الأول الذى عُرض العام الماضي.

وأورد بيتر ميمي عبر حسابه بفيس بوك عددًا من الانتقادات التي وجهت للمسلسل، مستعرضًا الرد عليها ومن بينها الآتي:

١- عاكف أبو العز بيتحدث بلهجة صعيدية، و أبوه بلهجة بدوية، و ده باين من أول حلقة (متبقاش صعيدى زى اللى خلفتك)، و هنعرف مين اللى خلفته و ليه مش أبوه اللى رباه، حلقة ١٥، مضيفًا  " يعمل ضمن فريقنا مصحح لهجة بدوىة و مصحح لهجة صعيدى للدقة".

٢ - ضابط الأمن الوطنى ممكن يكون بدقن و شعر طويل عادى جدًا، و أنا راجعت ده بنفسى قبل التصوير مع بعض الضباط و قيادات الداخلية و إحنا بنأخد التصاريح للتصوير فى أماكن حقيقية و حية مثل سجن طرة و مستشفى الشرطة.

٣ - وضعية مسك البندقية الآلية ممكن تكون من الماسورة، و أثناء الإشتباك ممكن تكون من الخزنة لسرعة تغيير الخزنة، و كان معانا عميد من العمليات الخاصة أثناء تصوير المشاهد دي، و الراجل كان بيدى المحاضرة دي قدامى للضباط مع العلم أن المدرعات و المركبات و الجنود و الضباط المشاركين بالعمل حقيقيون ويعملون بالعمليات الخاصة.

٤- تراك جيم أوف ثرونس اللى فى أول حلقة ده غلطة غير مقصودة، لأننا فى المونتاج بنحط تراكات عالمية و بعدين بنشيلها فى الميكساج ده بيحصل فى كل الشغل، و الحلقة الأولى كان فيها ١٣ تراك من جيم أوف ثرونس، تم تغييرهم بموسيقى المسلسل و نسيو واحد سهوًا ، و بعتذر على الخطأ الغير مقصود برده لانى طلبت تغييرات فى الحلقة أكتر من مرة كل شوية بعدل فيها و إحنا عاملين موسيقى للمسلسل، مصر كلها عارفاها من السنة اللى فاتت.

٥- نجل سليم الأنصارى بيرضع كراوية مع إنه المفروض يرضع ريد بول عادى.

٦- الحلقة ٨ أنا عيدت المشهد لما روچينا قالت (عمر) بدل (حسام) سهوًا و المونتير من ضيق الوقت حط الشوت الغلط سهوًا.

وتابع مخرج مسلسل "كلبش 2"، أنا بشكر الناس اللى متابعة المسلسل بدقة شديدة و بشكر فريق العمل (النجوم - الانتاج - المونتاج - التاليف - الميكساج - الموسيقى- الديكور - مساعدين الاخراج) علشان احنا بسببكم بنافس على اعلى مشاهدة للسنة التانية على التوالى بجزء تانى و ده مبيحصلش

وأوضح بيتر ميمي (كلبش٢) بما فيه من أكشن و ضخامة إنتاجية هيكون ولا حاجة بالنسبة للمشروع اللى تم تحديده للعام المقبل رمضان ٢٠١٩ و اللى هيكون الأضخم عربيًا، و يضم مجموعة من نجوم عالميين من إنتاج شركة سينيرجى، مضيفًا :"أدعولنا بقى إحنا بنحاول نطور الصناعة، و انتظروا حرب كرموز فى مصر و الخليج و أوروبا (إيطاليا - ألمانيا- لندن).

محمد أمين زهران