فيديو| ميار الببلاوي تنهار من البكاء بسبب عالم أزهري.. إليك القصة كاملة
تصدرت الفنانة المصرية ميار الببلاوي محرك البحث "جوجل"، وذلك بعد ظهورها في فيديو تنهار فيه من البكاء على منصات التواصل الاجتماعي.
وجاء البث المباشر من الفنانة ميار الببلاوي تعليقًا على تصريحات العالم الأزهري، محمد أبوبكر، عنها بعد ظهورها في برنامج «العرافة» وتأكيدها أنها عادت لزوجها الأول بعد 3 زيجات لها.
وظهرت الببلاوي في البث منهارة، وقالت: "النهارده حصل حاجة عمري ما تخيلتها، أول ما خلصت الهواء صاحبتي كان عندها حاجة في قناة معينة، ومرضتش أسيبها لوحدها، وقلت هروح معاها وأسلم عليها، وأنا داخلة، أنا ورئيسة التحرير بتاعتي لقيت الشيخ الفاضل، وبحتسبه من الشيوخ الأجلاء، ولكن سبحان الله يمكن نزغ شيطان أو فتنة أو حديث نفس، ربنا بيقول (يا أيها الذين آمنوا إن جاءكم فاسق بنبأ فتبينوا)، فما بالكم إن اللي قال عني كده شيخ جليل ويخوض في عرضي وشرفي رغم أن كلنا بنحبه وبنسمع كلامه".
وتابعت خلال البث: "أول ما شيخنا الجليل شافني وأنا كنت بحبه جدا وبتابعه وأقول نفسي يكون معايا في حلقة، وسلمت عليه، وقال لي إنتِ جيالي علشان حطيتك على المرجيحة امبارح، فقلت له مش فاهمة، فقال لي أصل امبارح كنت جاي عليكِي جامد، فرديت قلت له (شرف ليا، وأنت عمرك ما هتظلمني ونحسبك على خير)، لقيته بيقول لي (اللي أنتي قولتيه مع بسمة)، لكن ما حدش فكر أنه معمول مونتاج علشان يطلع ترند ونص الكلام مقصوص من الفيديو".
وتابعت: "لما شفت الفيديو، لقيته متكلم عليا وحش وخاض في عرضي، حسبي الله ونعم الوكيل فيك، أنا سبت التمثيل وكل حاجة وبشتغل في برنامجي وبين صلاتي وبيتي وتربية ابني ومش عايشة ومش بخرج من بيتي إلا لشغلي يعني ادفن نفسي مع أمي!".
وبعد انتهائها من البث المباشر قامت ميار بحذف الفيديو الذي خرجت خلاله ترد على الشيخ الأزهري، وكانت قبل خروجها البث قد شوقت جمهورها بمنشور قالت فيه: "أهم لايف في حياتي كله يجمع".
اقرأ أيضًا: فيديو| مدحت العدل لياسمين صبري: "ركزي في التمثيل أكثر من الشكل"
