«فيلم مش أنا» يُحقق الأحلام.. فرصة للمواهب وإنتاج شقيق تامر حسني
كشف الفنان المصري تامر حسني؛ عن عدة مفاجآت لجمهوره متعلقة بـ «فيلم مش أنا»، واصفًا إياه بأنه فرصة لتحقيق الأحلام، معلنًا عن منتج فيلمه الجديد والذي يدخل ثاني تجاربه الإنتاجية.
فيلم مش أنا لتامر حسني
وأكد تامر حسني أن شقيقه الأكبر المنتج حسام حسني؛ مدير عام شركة «تي اتش برودكشن» والقائم بأعماله، سيتولى إنتاج فيلمه الجديد المنتظر طرحه في عيد الفطر 2020.
ونشر الفنان المصري عبر حسابه الرسمي على موقع التواصل الاجتماعي «إنستجرام» صورة له برفقة شقيقه أثناء الاتفاق على خوض ثاني تجاربه الإنتاجية؛ من خلال فيلم «مش أنا».
وقال «دا حسام أخويا الكبير، كان نفسه يدخل عالم الإنتاج الفني من 5 سنين وينتج لي وأنا الحقيقة كنت دايمًا برفض وكان بيزعل مني».
وأضاف «كنت دايمًا بشرحله إنه لازم يدرس السوق الأول وميعتمدش عليا ويفهم ويذاكر كتير أوي مش عشان ينتج لاااااا.. عشان يكون منتج شاطر وفعلاً عمل كدا واستوعب كلامي».
وأشار إلى أنه بدأ في متابعة أفلام وشارك بجزء بسيط في إنتاج فيلم «البدلة»، وأشرف على إنتاج ألبوم «عيش بشوقك»، معلقًا «انا في الصورة دي كنت قاعد بمضي عقد أول فيلم إنتاجه».
واستكمل «ألف مبروك يا حبيبي يا أخويا الكبير.. ياللي ياما علمتني حاجات جميلة وأنا صغير.. النهاردة بردهالك من قلبي وبدعيلك ربنا يكرمك ويكرمنا جميعًا».
من جانبه، أكد حسام حسني أنه يوجد عدة مشروعات سينمائية قادمة، ومن المحتمل أن يكون هناك عمل درامي ضخم من إنتاجه، سيتم الإعلان عنه بعد الانتهاء من التفاصيل كافة.
مواهب الشباب
وعن المفاجأة الثانية، كشف تامر حسني عن دعمه لمواهب الشباب الراغبين في دخول عالم التمثيل؛ لمشاركته في فيلم «مش أنا» برفقة الفنانة حلا شيحة.وقال في إعلانه «باختصار أنا هعمل casting على صفحتي.. هشجع الشباب من خلال فرصة تمثيل في مشهد مهم في فيلمي الجديد.. محتاج شاب وفتاة».
وأضاف «هنزّل 3 مشاهد من أفلامي السابقة اللي عايز يشارك يختار مشهد منهم يمثله ويصوره بكاميرا عادية أو موبايل وأكيد أصحابه هيساعدوه، وسواء ولد أو البنت هيمثل دوري في المشاهد».
ولفت إلى أنه بعد تصوير الفيديو سيتم رفعه على «إنستجرام» مع هاشتاج «#مش_أنا»، مضيفًا «معاكم من النهاردة لحد 10 أيام والمشاهد هتتعرض على مخرجة الفيلم الأستاذة سارة وفيق وهي اللي هتختار».
«فيلم مش أنا» بطولة كل من «تامر حسني، ماجد الكدواني، حلا شيحة، سوسن بدر، وشيرين»، إنتاج حسام حسني وإخراج سارة توفيق.
