دينا الشربيني: أكرر أخطائي في الحب ولم أخطف «رجل» من زوجته
تحدثت الفنانة دينا الشربيني، عن العلاقات العاطفية التي خاضتها، وكيف تعرضت للخيانة، فضلًا عن التحدث عن علاقتها بالنجم عمرو دياب.
الفنانة دينا الشربيني
وقالت خلال استضافتها ببرنامج AB TALKS الذي يقدمه الإعلامي أنس بوخش: إنها وقعت في الحب من أول نظرة في تلميح إلى علاقتها بعمرو دياب.وردًا على اتهامها بخطفه من أسرته -كما يردد البعض-، أكدت أن العلاقة بين الثنائي كانت "منتهية" منذ فترة طويلة.
وأضافت: «في ناس ممكن يكونوا شايفين، طيب ما أنت ممكن تكوني عملتي كده، بس أنا مش على راسي بطحة أو انه لازم أطلع أدافع عن نفسي».
وعن سبب امتناعها عن الرد لمدة عامين، علقت دينا الشربيني: مش حياتي لوحدي ومكنتش هقدر أطلع أتكلم عن حياة أشخاص، إحنا كنا مع بعض ومش على رأسي بطحة لأرد على تلك الشائعات، مع إني عارفة إن في ناس كتير كرهوني بسبب الموضوع ده اللي هو مش حقيقي.
واعترفت بأنها مندفعة في تجاربها العاطفية وتتكرر أخطاءها في الحب، واستبعدت دخولها في ارتباط جديد خلال الفترة الحالية.
وقالت: «أنا مندفعة وبمشي ورا إحساسي، وأكيد عايزة أغير حاجات فيا وكلنا عايزين نبقى أحسن، بس حاسة إن لو فيه حاجات فيا اتغيرت هبقى أوحش مما أنا عليه دلوقتي».
وتابعت: «أؤمن بالحب من أول نظرة وحبيبة أوي، وأنا عارفه إني من جوا شخص ضعيف لما بقعد مع نفسي قلبي خفيف أوي وبتأثر بسرعة وبحب بسرعة.. وعشان بكره الضعف فباجي على نفسي». والحمد لله أنا أحسن من ناس كتير وكل حاجة بحبها حوليا فلازم أستحق ده عشان ميروحش مني.
وكشفت دينا الشربيني عن خوضها تجربتين عاطفيتين، مشيرة إلى أنها تكرر غلطاتها في علاقاتها.
وعلقت: «الحب بالنسبة لي هو الأمان والثقة والحنان، وبكره الكذب والخيانة في العلاقة».
وحول احتمال دخولها علاقة عاطفية جديدة، قالت: عندي لخبطة في حياتي الشخصية، مش عارفة أقعد مع أهلي ولا أشوف صحابي، ولا عندي حياة شخصية؛ لأنه صعب أي حد يقدر يستحمل إنك على طول مش موجود.
اقرأ أيصُا: «أكشن يا عمري».. عبدالله السدحان يشوق جمهوره لأحدث أعماله
