المنتج وليد منصور يحسم أمر عودة عمرو دياب للتمثيل
حسم المنتج المصري وليد منصور، الجدل القائم حول عودة الفنان المصري عمرو دياب إلى التمثيل مجددًا.
عودة عمرو دياب إلى التمثيل
وردًا على سؤال خلال استضافته في برنامج "القاهرة اليوم"، "مفكرتش ترجع عمرو دياب للتمثيل؟"، قال: «معتقدش إنه حيمثل. إتكلمت معاه مرة من سنة وشوية، هو بيروح وييجي. وقال حيعمل حاجة نتفليكس أتمنى تتعمل».واستعاد وليد منصور حكاية أول حفل ينظمه لعمرو دياب، قائلًا: "أنا لحد 2010 عملت حفلات كل النجوم اللي تتخيلوها ميدل إيست ومصر إلا عمرو دياب".
وتابع: «جينا في 2011 الثورة، والجامعة الأمريكية كلموني وقالوا كمان تلات أسابيع عايزين نعمل حفلة إحنا تمام وحنأمنها".
وأضاف: «كان لسه الثورة مبقلهاش 3 أو 4 شهور فالناس بتخاف. كانوا عايزين أجيب إيكون - حد إنترناشيونال - قلتلهم ليه نجيب عمرو دياب.. كانت أول حفلة أعملها لعمرو دياب، وبعدها عملتله 31 حفلة، وبقيت أكتر واحد في التاريخ عمل له حفلات».
وقال: «كان حلمي أعمل له حفلة عشان لما أبطل الشغلانة أبقى عملت حفلات لكل الناس وعمرو دياب».
اقرأ أيضًا: ليلى علوي تتحدث عن كواليس«ماما حامل»: لم أتمالك نفسي من الضحك
