بعد طرح «أنا بعته كتير».. أنغام: دايمًا براهن على رقي الجمهور
علقت الفنانة المصرية أنغام، على ردود الفعل الإيجابية على أحدث أغانيها «أنا بعته كتير»، والتي تم طرحها قبل أيام.
أغنية «أنا بعته كتير»
وقالت المطربة المصرية في تصريحات تليفزيونية: «أنا دايما مراهنة على الناس، وعلى وعي الجمهور وإحساسهم، وبشوفهم متلقين راقيين جدًا. ونجاح أغنية زي «أنا بعته كتير» بيقول كده ويؤكد وجهة نظري».وفيما يخص أن عدد المشاهدات والتريند من مقاييس النجاح، قالت: «طبعًا ببقى فرحانة بردود الأفعال والكلام الحلو اللي بيتقال، بس بخاف شوية من فكرة التركيز مع الأرقام. لازم الأغنية تاخد وقت شوية عشان الواحد فعلًا يبتدي يصدق، وميتغرش من أول لحظة بأرقام حلوة جدًا طبعًا، بس دايما عندي رعب».
وعن استعدادها للتمثيل في الفترة الحالية، قالت: «أنا بحب التمثيل جدًا، وعندي استعداد لو اتعرضت عليّ حاجة حلوة ومناسبة وملائمة لمرحلتي وشكلي دلقوت، لكن لسه مفيش حاجة».
ومن المنتظر أن تحيي أنغام حفلًا غنائيًا في دار الأوبرا بتاريخ 1 يوليو المقبل، وعن الحفل قالت: «فعلًا التذاكر خلصت بسرعة جدا، عشان الناس كانت مشتاقة لرجوع الحفلات، وأنا سعيدة جدًا إن أنا حنزل وأغني».
أغنية «أنا بعته كتير» من كلمات أمير طعيمة، وألحان إيهاب عبد الواحد، وتوزيع طارق مدكور.
اقرأ أيضًا: فخرية خميس عن آخر تطورات حالتها الصحية: «أنا في مرحلة العلاج المناعي»
