شقيق ياسمين عبدالعزيز يُفجر مفاجأة حول عودتها لـ أحمد العوضي

فجر وائل عبدالعزيز؛ شقيق الفنانة المصرية ياسمين عبدالعزيز؛ مفاجأة جديدة حول عودتها إلى طليقها الفنان أحمد العوضي.

جاء ذلك بعد تصدر  ياسمين عبدالعزيز الـ«ترند»، خلال الأيام القليلة الماضية، حول علاقتها بالفنان أحمد العوضي؛ بعد لقائها مؤخرًا مع الفنانة والإعلامية إسعاد يونس، والتي أثارت الجدل بعدها بين رواد الـ«سوشيال ميديا» بشأن حقيقة عودتهما بعد الانفصال. 

 ونشر "وائل" شقيق الفنانة "ياسمين"، صورًا لهما، وعلق قائلاً:"اللي يسعدك يسعدني والجاي أحلى وكله خير والمياه هترجع لمجاريها والكل هيتراضا.. ربنا يصلح حالنا وحالكم".

رشا العدل 

بينما نشرت  ابنة الراحل سامي العدل؛ رشا سامي العدل، صورة رومانسية لياسمين عبدالعزيز وأحمد العوضي، وعلقت عليها عبر حسابها على "فيس بوك"، قائلة: "لكل الهبيدة اللي ماوراهمش غير الهبد و التدخل في حياة الناس و اللي بيغلطوا في اتنين معظم الناس وأولهم أنا بيحبهم كل واحد على حدة ومع بعض... أنا آه مش بعلق عندكم بس شوفت كمية الغل والحقد تجاه قصة حب حلوة وكوبل كيوت ودمهم سكر... هما أصلاً رجعوا لبعض و ربنا يسعدهم ويهنيهم وحبهم يكبر و يزيد".

 وشهدت التعليقات كلمات حب للثنائي "ياسمين" و"العوضي"، ولكن بعدها حذفت "رشا" المنشور دون توضيح السبب.

يذكر أن الفنانة المصرية، ياسمين عبد العزيز، حلت ضيفة على برنامج صاحبة السعادة مع الإعلامية إسعاد يونس، وتطرقت خلال الحلقة إلى تفاصيل طلاقها من الفنان أحمد العوضي، وأسباب الأزمة الصحية، التي تعرضت لها قبل سنوات.

أسباب طلاق ياسمين عبد العزيز وأحمد العوضي

وكشفت ياسمين عبد العزيز، لأول مرة تفاصيل انفصالها عن أحمد العوضي؛ حيث لم تتمالك نفسها، وانهارت من البكاء تأثرًا، فور حديثها عنه، وقالت: "أنا مش بحب أحمد، أنا بعشقه، أنا بقيت رقيقة أوي، مكنتش كده والله، أنت جايباني عشان أعيط أصلك عمالة تضغطي على حاجات بتوجعني، وجايبة لي حاجات كلها بتوجع".

كما أكدت ياسمين أنها لم تعرف الحب الحقيقي قبل زواجها من "العوضي"، قائلة: "لما حبيت أحمد اكتشفت أن أنا مكنتش بحب قبل كده، وأن أحمد أول حب في حياتي، وكنت فاكرة أن قبل كده ده حب، لا مكانش حب لأ أحمد هو الحب الحقيقي".

وأضافت "ياسمين"، أنها لجأت إلى الاستخارة والدعاء قبل اتخاذ قرار الانفصال، مؤكدة إيمانها بقضاء الله وقدره، قائلة: "وأنا عن نفسي عملت استخارة وروحت عملت عمرة ودعيت ربنا اللي رايده هيكون، وأنا ربنا عايز يمشيني في السكة دي أنا راضية واللي هو عايزه يكون، وحتى لو كان عايز يدخلني في سكة مش على رغبتي لأ هو اللي شايف مش ممكن يكون ده خير".

وعن أسباب الطلاق، قالت "ياسمين": "أنا عارفة إن "أحمد" بيحبني على فكرة، وهو عارف إني بحبه، وبعيدًا أن فيه سبب من الأسباب مينفعش نتكلم فيه ومش خيانة، عشان في ناس مؤذية كتير، ده في ناس مورهمش حاجة غير أنهم يؤذوني بس بقالهم سنين، وأنا مش هينفع أتكلم في تفاصيل، والجمهور الناس الحقيقة اللي بتحبنا هي حبانا مع بعض، وفيه بقى الناس الشريرة اللي بتسخن وفيه ناس قلبها أسود ميقدروش يشوفوا اتنين بيحبوا بعض عشان هما ميعرفوش يعني ايه حب، جواهم كره محبوش فميعرفوش يعني ايه حب".

ونفت ياسمين الشائعات التي ترددت حول لقائها بطليقها في السحور، مؤكدة أن هذه الشائعات كاذبة تمامًا، قائلة: "لما قعدوا يقولوا انتوا في السحور شوفتوا بعض وكل ده متركب احنا ماشوفناش بعض في السحور.

 الفيديوهات اللي بتتعمل دي كل ده تركيب، هو كان موجود في وقت وأنا كنت موجودة في وقت احنا ماشوفناش بعض أساسًا، وبتفرج على الفيديوهات دي بقول هو أنا عملت كده يا جماعة ارحمونا بجد، وفي ناس كتيرة مصدقة إن إحنا شوفنا بعض".

اقرأ أيضًا: بعد بكائها في صاحبة السعادة.. شقيق ياسمين عبدالعزيز: ربنا يفرح قلبك ويسعدك