بعد بكائها في صاحبة السعادة.. شقيق ياسمين عبدالعزيز: ربنا يفرح قلبك ويسعدك
ياسمين عبدالعزيز تروي لأول مرة تفاصيل انفصالها عن أحمد العوضي
أبدى الفنان وائل عبد العزيز تضامنه ودعمه لشقيقته، ياسمين عبد العزيز، بعد أن ظهرت وهي تبكي خلال لقائها مع الإعلامية إسعاد يونس في برنامج "صاحبة السعادة".
ونشر وائل عبد العزيز صورًا لياسمين عبر حسابه على "فيسبوك" ظهرت فيها وهي تبكي، وعلق عليها قائلًا: "طيب ما أنا مبستحملش أشوفك بتعيطي.. اعمل ايه أنا دالواقت بس ربنا يفرح قلبك ويسعدك".
أسباب طلاق ياسمين عبد العزيز وأحمد العوضي
كشفت ياسمين عبد العزيز، لأول مرة تفاصيل انفصالها عن أحمد العوضي، الذي
لم تتمالك نفسها وانهارت من البكاء تأثرًا، فور حديثها عنه، إذ قالت: "أنا مش بحب أحمد أنا بعشقه، أنا بقيت رقيقة أوي، مكنتش كده والله، أنتٍ جايباني عشان أعيط أصلك عمالة تضغطي على حاجات بتوجعني، وجايبة لي حاجات كلها بتوجع".
كما أكدت ياسمين أنها لم تعرف الحب الحقيقي قبل زواجها من العوضي، قائلة: "لما حبيت أحمد اكتشفت أن أنا مكنتش بحب قبل كده، وأن أحمد أول حب في حياتي، وكنت فاكرة أن قبل كده ده حب، لا مكانش حب لأ أحمد هو الحب الحقيقي".
وأضافت ياسمين أنها لجأت إلى الاستخارة والدعاء قبل اتخاذ قرار الانفصال، مؤكدة إيمانها بقضاء الله وقدره، قائلة: "وأنا عن نفسي عملت استخارة وروحت عملت عمرة ودعيت ربنا اللي رايده هيكون، وأنا ربنا عايز يمشيني في السكة دي أنا راضية واللي هو عايزه يكون، وحتى لو كان عايز يدخلني في سكة مش على رغبتي لأ هو اللي شايف مش ممكن يكون ده خير".
وعن أسباب الطلاق، قالت ياسمين: "أنا عارفة أن أحمد بيحبني على فكرة، وهو عارف إني بحبه، وبعيدًا أن فيه سبب من الأسباب مينفعش نتكلم فيه ومش خيانة، عشان في ناس مؤذية كتير، ده في ناس مورهمش حاجة غير أنهم يؤذوني بس بقالهم سنين، وأنا مش هينفع أتكلم في تفاصيل، والجمهور الناس الحقيقية اللي بتحبنا هي حبانا مع بعض، وفيه بقى الناس الشريرة اللي بتسخن وفيه ناس قلبها أسود ميقدروش يشوفوا اتنين بيحبوا بعض عشان هما ميعرفوش يعني ايه حب، جواهم كره محبوش فميعرفوش يعني ايه حب".
ونفت ياسمين الشائعات التي ترددت حول لقائها بطليقها في السحور، مؤكدة أن هذه الشائعات كاذبة تمامًا، قائلة: "لما قعدوا يقولوا انتوا في السحور شوفتوا بعض وكل ده متركب احنا ماشوفناش بعض في السحور، الفيديوهات اللي بتتعمل دي كل ده تركيب، هو كان موجود في وقت وأنا كنت موجودة في وقت احنا ماشوفناش بعض أساسًا، وبتفرج على الفيديوهات دي بقول هو أنا عملت كده يا جماعة ارحمونا بجد، وفي ناس كتيرة مصدقة إن إحنا شوفنا بعض".
تفاصيل أزمة ياسمين عبد العزيز الصحية
كشفت الفنانة ياسمين عبدالعزيز، لأول مرة عن تفاصيل نيتها في الحمل وأسباب تدهور حالتها الصحية وخضوعها لعدة عمليات جراحية متتالية.
وقالت: "لقد أجريت العملية لإزالة الأكياس حتى أتمكن من الحمل، وبعد مسلسل "اللي ملوش كبير"، اتفقت مع زوجي أحمد العوضي على الحمل وإنجاب طفل، ولكن أثناء العملية حدث خطأ وربنا كتبلي عمر جديد."
وأضافت: "أنسى أحيانًا ما مررت به، لكنني أتذكر نفسي وأدخل نفسي في الحالة التي كنت أشعر بها، وأتخيل شكلي مرة أخرى عندما كنت مريضة حتى أستعيد قوتي مرة أخرى، وهذا هو أصعب موقف واجهته في حياتي."
وتابعت: "لقد قضيت 4 أشهر في السرير، وسافرت بمفردي مع ابنتي فقط، وشعرت أن الله يريد أن يرسل لي رسالة بعد نجاح مسلسل "مكسّر الدنيا" والشهرة وكل شيء، وشعرت أن الله يريد أن يقول لي إنه هو اللي باقي لي."
وعن كواليس أزمتها، قالت: "أجريت 6 عمليات، 4 في مصر و 2 خارج مصر، وشعرت أن الله يريد أن يقول لي إنني لست ملكة إلا له، وبعد هذا الموقف، اقتربت من الله أكثر، ولم يعد أحد يهمني سوى ألا يغضب الله مني."
