حورية فرغلي والترند.. 4 قصص أثارت بهم الجدل في 2023
تصدرت الفنانة المصرية حورية فرغلي محركات البحث سريعاً خلال الساعات الماضية، وذلك بعد نشرها مقطع فيديو عبر حسابها على إنستجرام، تكشف فيه بعض أسرارها، ومعاناتها من الوحدة الشديدة.
وتصدرت حورية أكثر من مرة محركات البحث «الترند»، وذلك بسبب الكثير من القصص التي أثارت حولها جدلًا واسعًا خلال هذا العام 2023، وخلال السطور التالية سوف نستعرض بعض منها.
ارتباط حورية فرغلي بالإعلامي نزار الفارس
وتصدرت منذ فترة، حورية فرغلي الترند بعد خبر ارتباطها بالمذيع العراقي نزار الفارس، والاحتفال بخطوبتهما، ولكنها سريعًا ما نفت الخبر و أن الأمر لم يكن أكثر من استضافته في بيتها من أجل تصوير حلقة معها يعرضها في برنامجه.
وكشفت حورية، حقيقة خبر الارتباط في مداخلة هاتفية مع المذيعة ريهام سعيد عبر برنامج «صبايا الشمس»، وقالت: «أنا بجد مش فاهمة بقيت أخاف، بيكلموني من أسبوع وأستاذ نزار عايز يجي ويعمل لقاء».
وتابعت: « اتفقنا على يوم الأحد، وكان أول مرة أشوفه امبارح، فتحت بيتي والمصورين موجودين بتوع الصوت والإضاءة، وناس كتير وأنا في بيتي قاعدة مع مامتي والكلب بتاعي، وأول ما دخل اقعد يصور جت أغنية ماجد المهندس وعشان عراقي قلت آه طبعا بحبه».
وأضافت: «قالي تحبي ترقصي على الأغنية ورقصنا والناس كلها قدامي عشان مكسفهوش بجامله، وبرحب بيه لقيت من ساعة ما دخل بيتي بيصور بيتي من ورايا والسيلفي ده من قبل اللقاء وقلت اسيبه براحته».
وأكملت حورية حديثها: «أنا مش متخيلة متخطبتش لنزار ولا أي راجل في الدنيا، وهرفع عليه قضية هو خطبني امتى ليه هو شاف أبويا وأمي وأخويا، خطبني من مين، الفيديو اللي فيه كلام سي السيد كان هزار، زعلانة وعمري ما هعمل أي لقاء مع أي صحفي معرفهوش».
وأضافت: «فتحتلك بيتي ورحبت بيك وكنت تعبانة وعملت اللقاء تعمل فيا كده ليه، وتخلي كل الناس تكلم ابويا واخويا وتسألهم هي اتجوزت ولا لأ».
وأنهت حديثها: «ممكن يكون فال حلو بس أنا أول مرة أشوفه امبارح، أول مرة في حياتي أقابله، ليه من ورايا تقول خبر، عايز تعمل بروباجندا وانا واحدة من ضحاياك، افرض اني متجوزة في السر افرض تعملي مشكلة، ندمانة اني عملت اللقاء ده معاه».
قصة حورية فرغلي وتبنيها طفل
وأيضًا من بين القصص التي أثارت حورية بها الجدل، هي قصة تبنيها طفل، وقال في تصريحات خلال برنامج «ET بالعربي»: «ما ينفعش أتبنى لأني مش متجوزة، حاولت أتبنى قبل كده».
وتابعت: «وقالوا لي مش هينفع، لازم تكوني متجوزة، فكفلت طفلين وماتوا، وشلت الرحم من فترة وعمري في حياتي ما هيكون معايا أولاد وبعتبر كل الأطفال الصغيرين ولادي».
شائعة علاقتها بالمطرب حسن شاكوش
وكان تصدر اسم حورية فرغلي مواقع التواصل الاجتماعي وجوجل، بعد اتهام طليقة مطرب المهرجانات حسن شاكوش بأنها على علاقة به.
وقامت الفنانة بالرد عبر مقطع فيديو شاركته عبر حسابها الرسمي على إنستجرام، تنفي به هذه الشائعة، وقالت: «الحقيقة أنا طالعة أكلمكم في موضوع وهو بقاله فترة مضايقني وساكتة بس أنا قررت أما يحصلي حاجة زي كدا أشاركم وأشهدكم عشان لو أنا غلطانة إنتم ممكن تقولولي»ز
وأضافت: « أنا كنت ساكتة فترة طويلة جدا ومبرودش علشان أنا أكبر بكتير من كده بس الموضوع زاد عن حده بطريقة لدرجة إن أنا مش من طبيعتي أن أطلع وأتكلم أو أرد بس من كتر ما الموضوع بقى اوفر مش قادرة، عايزة أشهدكم معايا».
وتابعت: «أنا حتى مش حابة أقول الاسم بس هضطر أقوله عشان كرامتي وحقي المعنوي وخصوصا إن محبش إن أهلي كل شوية يسمعوا كلام من اللي هي بتقوله دا .. الأستاذة ريم طارق طليقة الفنان حسن شاكوش اللي أنا معرفهاش خالص ولا عمري شوفتها إلا في السوشيال ميديا في فرحها و برنامجها مع بسمة، اتقال اسم حورية وتالت حرف ر الناس سابت كل الأسامي ومسكت في حورية سكت ومتكلمتش خالص إنما يجيلك الجرأة إنك تنزلي أن الفنانة حورية فرغلي تكشف عن اسم الفتاة اللي كانت مع شاكوش لغاية هنا بقا وأستوب».
وأضافت: «انتي عايزة إيه بالظبط انتي عايزة تريند عايزة تجيبي اسم حورية فرغلي عشان تطلعي تريند، أنا أعرف منين البنت اللي كانت مع حسن شاكوش، وعلى فكرة أنا ممكن أرفع عليكي قضية تشهير، أنا مصورة الخبر وبعتوا لريهام سعيد وعندها بعد أما قولتي كدة أنا سكت وبرضو مش عايزة تعدي الموضوع اللي أنا مليش علاقة بيها لا من قريب ولا من بعيد».
شرائها حصان بمليون إسترليني
وأيضًا تصدرت حورية فرغلي الترند منذ فترة على جوجل ومواقع التواصل عندما أعلنت شرائها حصان بمبلغ مليون إسترليني، خلال تصريحات لها في أحدى البرامج التلفزيونية.
وصرحت حورية فرغلي أنها قامت بشراء حصان بمبلغ مليون جنيه إسترليني، وفور إعلانها ذلك أثار حولها جدلًا كبيرًا، والبعض استنكر مبلغ شراء الحصان.
يشار إلى أنه منذ عودة حورية فرغلي من الخارج، وذلك بعد إجراء بعض العمليات الجراحية في أنفها، وكل فترة يثار حولها الجدل، بجانب الكثير المفاجآت التي تفجرها والأسرار بتصريحاتها الجريئة.
اقرأ أيضًا: «بيحسدوني على إيه.. نفسي أتجوز».. حورية فرغلي تفتح صندوق أسرارها (فيديو)
