شيرين عبد الوهاب تعتزل السوشيال ميديا بسبب حرائق لبنان
أثارت المطربة شيرين عبدالوهاب؛ جدلاً بعد دعمها متضرري حرائق لبنان؛ حيث اتخذت قرارًا باعتزال السوشيال ميديا بعد ساعات من منشورها الداعم للبنان.
حرائق لبنان
وكانت شيرين عبد الوهاب؛ أعلنت عن إحيائها حفلًا غنائيًا وتخصيص العائد بالكامل لمتضرري حريق لبنان.
وقالت شيرين أمس: "قلبي يحترق على وطننا الغالي لبنان، لكن في مثل هذه المواقف، الكلام ليس كافيًا".
وأضافت: "أنا على أتم الاستعداد لإقامة حفل يكون كل العائد منه مخصص للمتضررين من الحريق، وأناشد دولة رئيس الوزراء سعد رفيق الحريري أن تكون تحت رعاية سيادته".
وكالعادة هاجم الجمهور شيرين؛ حيث انتقد البعض فكرة إقامة حفل لدعم الحرائق.
ولذلك؛ أعلنت شيرين عن اعتزالها السوشيال ميديا؛ موضحة أنها مهما فعلت فلن تعجب أحدًا.
وقالت عبر "إنستجرام": "أنا عارفة ومتأكدة إن الأغلبية متصالحين مع نفسهم ومحترمين، وأنا لو كنت ببص للناس اللي كارهة نفسها وكارهة نجاح الآخرين ومش عاجبها حاجة.. مكنتش اتقدمت في حياتي ولا أنجزت في حاجة".
وأضافت:"النهاردة أنا نزلت بوست للبنان عشان حبيت أساعد بأي حاجة أقدر عليها".
وتابعت: "اللي أقدر عليه هو صوتي.. أنا مش طبيبة ولا مهندسة وده اللي ممكن أساهم بيه عشان حتى لو ساهمت بفلوس مهما كانت هتكون قليلة".
واستكملت: "قررت أكون إيجابية وأعمل حاجة أساعد بيها".
واستطردت: " لما شفت التعليقات على منشوري الأخير، اكتشفت أن الإنسان مهما عمل مش هيعجب الناس".
وأكملت: "ده غير إنهم مرة يحملوني ويسقطوني، ومرة يجوزوني، ومرة يطلعوني معنديش انتماء لبلدي".
واختتمت: "بما إنيشخص مش مغلوب على أمره، قررت أقفل كل حاجة ليها علاقة بالسوشيال ميديا.. عشان مأذيش نفسي ولا المتابعين المحترمين اللي هتقرأ التعليقات.. أرجو من محبيني ما يزعلوش مني عشان ديه حاجة هتريحني و هتفرحني".
اقرأ أيضا..الخميس..شيرين عبدالوهاب تُحيي حفلًا غنائيًا بالبحرين
