«تامر حسني» يدعو للتفاؤل: ثقوا في قضاء الله
دعا النجم المصري تامر حسني؛ اليوم الأحد، عبر حسابه الرسمي على موقع التواصل الاجتماعي “فيس بوك”، جمهوره ومتابعيه إلى التفاؤل، والثقة في قضاء الله، والابتعاد عن التشاؤم والأفكار السلبية.
واستشهد حسني؛ عبر منشوره، بالآية القرآنية "فَمَا ظَنّكم بِرَبّ العَالمِين"، وتفسير ابن مسعود: "قسمًا بالله ما ظن أحد بالله ظنًا إلا أعطاه ما يظن، لأن الفضل كله بيد الله".
https://www.facebook.com/TamerHosny/photos/a.630235077016926/3789665387740530/?type=3&theater
وتابع: «ودا يخلينا دايمًا نظن بالله خير ولازم نبعد عن التشاؤم عشان التشاؤم بيخليك تبني علاقة جذب كبيرة بينك وبين كل الأفكار السلبية ويقربهالك وتتوهم إن ربنا كتبهالك، لا دا غلط وألف غلط لازم نكون العكس تمامًا، ونبني علاقة حلوه وطاقة جذب كبيرة تجاه ما بنحب ونتمناه، ارجوكم اعملوا كدا، صدقوني ومتيأسوش من رحمة ربنا».
وأضاف: «ربنا بيحب العبد اللحوح في الطلب اللي مصمم و مش بييأس و مهما كانت الصعاب اللي بتعيشوها اعرفوا إن في أصعب من كدا ممكن يحصلنا وبكتير ف نقول الحمدلله، ونتفائل وآخر حاجه نسيبها في مخنا تكون إيجابيه، أرجوكم عشان هتبني علاقه جذب جميلة بينكم و بين هدفكم حتى لو كان بعيد مش هتخسروا حاجة، لما تكون آخر جاجة سيبتوها في دماغكم متفائلة و كلها ثقة في ربنا إنه هيحققهالكم و دايمًا قولوا إن شاء الله هقدر.. إن شاء الله هيحصل ، تفاءلوا بالخير تجدوه».
وألغى تامر حسني؛ جميع حفلاته المقبلة، بعد تفشي فيروس كورونا المستجد، وقدم على أثر ذلك اعتذرًا لجماهيره في لندن.
اقرأ أيضًا:
بعد وصول طاقم طبي صيني لإيطاليا.. «أحلام» متفائلة بحل أزمة فيروس كورونا
