كشف الفنان رامي جمال عن إصابته بمرض البهاق، عبر صفحته الرسمية على موقع التواصل الاجتماعي لتبادل الصور والفيديوهات "إنستجرام".
وعلق رامي؛ عبر صفحته الرسمية على "إنستجرام" قائلاً: "الحمد لله الذي أحبني فابتلاني وقدّرني على الصبر.. من فترة ظهرت بقع بيضاء في جسمي، وبالكشف عرفت أنه مرض البهاق، وجربت أنواع علاج كتير، ودكاترة كتير، ومفيش فايدة".
وأوضح: "رضيت وسلمت أمري لله عشان عرفت إن الزعل بيزوده، وكفاية شغلانتي وصعوبتها والقلق الدائم من المستقبل، وفعلاً بقى بيزيد لدرجة لفتت نظر ناس كتير، اللي بقى يقوللي هتتعامل إزاي وإنت فنان، واللي يخاف يسلم عليا، واللي يسألني هو ده معدي".
وأضاف: "أنا بقالي سنة فعلاً لو عندي حفلة أو تصوير بتعب على ما أشوف طريقة أخفيه بيها، لدرجة خلت ناس تقولي شوف بيزنس تاني اعمله عشان الناس مش هتقبلك كده، وفكرت في كلامهم بصراحة".
وتابع: "لاقيت إن عندي حلين؛ يا فعلاً شكرًا لحد كده على الشغلانة دي، رغم حبي ليها، وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة إن شكله غريب، والحمد لله على نعمة الأهل لأنهم الوحيدون اللي بيقبلوا الواحد زي ما هو".
https://www.instagram.com/p/B4sw1dVAzOD/?utm_source=ig_web_copy_link
قبل حفل الليلة.. رامي جمال يهنئ جمهوره بـ”أعياد الربيع 2019″