مصطفى فهمي يعلن للمرة الأولى سبب طلاقه: «اكتشفت إني لازم أهرب» (فيديو)

كشف الفنان المصري مصطفى فهمي، للمرة الأولى، تفاصيل طلاقه من الإعلامية فاتن موسى، والتي اتهمت زوجها بأنه سرق مجوهراتها وملابسها وأرسل ورقة الطلاق لها غيابيًا دون علمها.

وقال مصطفى فهمي، في تصريحات تليفزيونية: «هي كانت عارفة إني هطلقها، واتخانقنا خناقة كبيرة قبل ما تسافر لبنان».

وتابع: «كانت عايزاني أسافر أحضر فرح أخوها وأنا مش عايز أسافر فدخلنا في خناقة كبيرة جدًا لدرجة أخوها قال أنتم تنزلوا تتطلقوا بقا، لكن ردها عليه خلاني أخد القرار»؛ حيث ردت فاتن بقولها: «أنا مش هتطلق، أنا اللي أطلق وبمزاجي».

وأشار إلى أن فاتن كانت لديها تطلعات كبيرة تتخطى ما يملك من ثروة؛ حيث قال: «دي عايزة شقة بـ 5 ملايين دولار أجبهالها منين، وأنا جيه وقت قولتلها فيه أنت أحلامك دي أكبر من قدرتي المالية».

وأضاف مصطفى فهمي: «مكتب المحاماة الخاص بي نزل بيان بعد الطلاق، وقلنا فيه إن كل متعلقاتك موجودة والمؤخر بتاعك موجود مقلناش الرقم، وعربيتك اللي جايبهالك هدية موجودة، من فضلك لما تيجي القاهرة أو مندوبك بلغينا في المكتب».

https://www.youtube.com/watch?v=puZde5sNGLg

اقرأ أيضا: فنانة مصرية شهيرة.. أبناء شريفة ماهر يضربونها ويسرقون أملاكها (فيديو)