مؤلف اللي مالوش كبير عن نهاية المسلسل: «مش هخالف ضميري عشان تتبسطوا»
واصل مؤلف مسلسل اللي مالوش كبير المشارك في دراما رمضان 2021 في مصر، إثارة الجدل حول مسلسله الذي حقق شعبية على مستوى عربي.
وكشف عمرو محمود ياسين؛ مؤلف المسلسل، إنه ليس من العقل أن تكون نهاية المسلسل سعيدة، وذلك بعد مهاجمته بسبب الأحداث التراجيدية في الحلقتين الأخيرتين.
وقال عبر حسابه على فيس بوك: «الدم بيجيب دم والافترا والبلطجة عمرهم ما يحموا إنسان أو يضمنوا له حياة سعيدة أو مريحة اللي عايز يتوب يتوب، بس مش بعد خراب مالطة، عشان كده في شطر في التتر بيقول واللي يختار غلط سكوته يدمره، بمعنى أن اللي يختار غلط ويفضل ساكت على غلطة مع الوقت هيتدمر».
واستكمل: «وده اللي حصل مع الخديوي في الحلقتين اللي فاتوا راح منه أخوه وراح صديق عمره وراح الجنين اللي كان في بطن أمه، دي النتيجة الطبيعية».
وعن من كان ينتظر نهاية سعيدة في مسلسل «اللي مالوش كبير» قال: «أما بقى اللي كان مستني قصة حب بين بلطجي كيوت وست حلوة ومتضايق وبيقولي إحنا بنتفرج عشان نتبسط وزعلانين مني قوي فأحب أقولك إن ده مسلسل تراجيدي، ومش هخالف المنطق ولا ضميري عشان بعض الناس تتبسط أنا مش بعمل نهايات على الكيف يا جماعة أنا بعمل النهاية اللي أشوفها منطقية واللي عايز يتبسط وهيه وكده يروح دريم لاند مثلا».
تجدر الإشارة إلى أنه تداول مؤخرًا أنباء ن وجود خلاف بين الفنانة ياسمين عبدالعزيز بطلة مسلسل «اللي مالوش كبير»، والمؤلف عمرو محمود ياسين بسبب النهاية وأنها طلبت تغيرها، إلا أن السيناريست نفى الأمر.
اقرأ أيضا: هيا الشعيبي عن زوجها هاني الطباخ: «ياريتني لم أرتبط بغيره»
