أسما شريف منير تتغزل في زوجة أبيها: ليست شريرة ولم تعذبني
بادرت الإعلامية وخبيرة التجميل أسما شريف منير؛ ابنة الفنان المصري شريف منير، بمحاولة تُحسب لها لتغيير الصورة النمطية السلبية عن زوجة الأب، والتي تصدرها الأعمال السينمائية والدرامية دائمًا.
ووجهت «أسما» رسالة خاصة إلى زوجة أبيها الفنانة المعتزلة لورا، عبرت من خلالها عن مدى حبها واحترامها لها، مشيدة بعلاقتهما والدعم الذي تقدمه لها باستمرار كأم وأخت وصديقه.
أسما شريف منير ووالدها
ونشرت، عبر حسابها الرسمي على موقع التواصل الاجتماعي «إنستجرام»، صورة لزوجة أبيها «لورا»، مؤكدة أن الصورة المتداولة في الأفلام والدراما عن زوجة الأب غير صحيحة وتخالف الواقع تمامًا.
وقالت أسما: «الست الجميلة اللي في الصورة دي هي (لورا) مرات أبويا إيه ده هو في مرات أب حلوة كده أومال فين الحوافر والعيون الشريرة، مش مرات أب؟ يبقي أكيد لازم تكون شريرة وبتعذب الولاد وبتشغلنا في البيت هههه».
وأضافت «ده اللي المجتمع و الافلام ديمًا بيصدروا بس الحقيقة إن الست دي من اطيب و اجمل و اجدع الستات اللي في الدنيا، عمري ما اتخنقنا يمكن اختلفنا مرة بس عمرها ما اتعدت علي حقوقنا و لا التزامات ابويا لينا، او اخواتي او بناتي عشان هما صغنانين، هي عيلتي وحبيبتي».
واستكملت «لما بزعل مع أبويا بتقف جنبي حتي لو هيتخانق معاها، أنا و هي أصلًا شخصيتنا قريبة من بعض بتفهمني و بتحس بيا، أنا عمري ما اتكلمت عنها عشان هي بعدت عن الأضواء من زمان، بس حسيت إني لازم أقولها إني بحبها و بحترمها وأديها حقها».
وتابعت «وعشان أقول لإي ست لو انتي مرات أب لأولاد لازم تتقي ربنا فيهم وصاحبيهم وحبيهم كأنهم ولادك وربنا هيجازيك كل خير و جوزك هيشيلك فوف راسه».
واختتمت «بحبك يا لولو أوي وربنا يخلينا لبعض كلنا ديمًا و شكرًا علي كل حاجه حلوة عملتيهالي.. اه وبالمناسبة هي بتعمل أفكار حلوه أوي علي الإنستجرام تبعوه».
من جانبها، علقت «لورا» على منشور أسما شريف منير، قائلة «أنا مكسووووفة جدًا من الكلام الحلو ده وإن أنت شايفاني كده، أنتِ بنت الواحد يفتحر بيها إنها بنته لأن قلبك أبيض وجدعة وعمرك ما اتمنيتي حاجة وحشة لحد، بحبك يا أسوما».
وبدأت الفنانة لورا حياتها المهنية كموديل إعلانات، ثم اتجهت إلى عالم الفن والتمثيل، على يد الفنان المصري ومدير التصوير طارق التلمساني، الذي منحها فرصة المشاركة في فيلم «البطل» عام 1998م.
وخاضت الكثير من الأعمال الفنية المميزة، منها فيلم «سوق المتعة» مع الفنان محمود عبدالعزيز، وفيلم «أرض الخوف» مع الفنان أحمد ذكي، ومسلسل «الرجل الآخر» مع الفنان نور الشريف، ثم اعتزلت بعد زواجها من شريف منير.
اقرأ أيضًا: «مش هسكت».. القصة الكاملة لأزمة صورة بنات شريف منير
