نقل أحمد عبدالله محمود إلى المستشفى بعد تأثره لوفاة مخرج مسلسل "طايع"

تخطى الفنان أحمد عبد الله محمود أزمة صحية حادة انتابته اليوم ونقل إلى إثرها إلي المستشفى مشتبها في اصابته بأزمة قلبية، وتبين أنه يعاني من ضغوط عصبية حادة وعد النوم منذ وفاة روبير طلعت المخرج التنفيذي لمسلسل "طايع" واكدت الفنانة سارة نخلة زوجة أحمد أن حالته مستقرة الآن وسمح له بالعودة إلي منزله بعد الخضوع لفحوصات القلب والأوعية الدموية.

سارة نخلة أفزعت جمهور وأصدقاء زوجها الفنان أحمد عبد الله محمود باعلانها خبر نقله إلي المستشفى في سيارة إسعاف بحالة طبية صعبة، وعادت لتطمئن الجميع عبر حسابها بموقع الفيس بوك قائلة: احنا في البيت يا جماعة خرجنا من المستشفى من شوية، أحمد عنده ستريس فظيع، بالإضافة أن وفاة صاحبه روبير ربنا يرحمه مأثر عليه جداً، وبقاله 3 أيام أصلًا مش بينام ساعة على بعضها ونسي نفسه وجه على نفسه كتير عشان الشغل، وللأسف أحمد بيدخن ودا خطر جداً عليه وبقاله يومين بيشرب سجاير كتير".

وتابعت: إن شاء الله وبإذنه تعالى بعد اليوم أخذ قرار يبطل سجاير؛ لأن الأزمة الحمدلله عدت على خير وربنا لطف بينا.. وهو قرر لو ربنا نجاه خلاص هو هيبطل.. المهم هو نايم دلوقتي حبيت أطمن صحابه وكل حد اتصل بينا.. أنا كنت لوحدي أنا ومساعد أحمد في المستشفى عشان كدا كتبت البوست ومتلخبطة ومش عارفة أعمل حاجة".

وأضافت: ربنا سترها عملنا تخطيط القلب وضغط وعلقوله محاليل لحد ما راحت الرعشة منه واتطمنا إن قلبه بقا سليم وهو نايم دلوقتي يارب ما تشوفوش حاجة وحشة".