أحمد فهمي: «اتولدت في عائلة فقيرة.. وهذه نصيحة والدي قبل بلوغ الـ45»
قال الفنان أحمد فهمي إنه ترعرع في أسرة فقيرة، إلا أن هذا الأمر لم يسبب له عقدة نفسية، موضحًا أنه تلقى نصيحة من والده بأن يبذل أقصى جهد لتأمين مستقبله ماديًا، قبل بلوغ عامه الـ 45.
أحمد فهمي
وحكى "فهمي"، خلال لقاء تليفزيون عبر البرنامج الحوار «بصراحة» أنه كان يعاني من الظروف المادية الصعبة، مضيفًا: ولدت في عائلة فقيرة، ولدي 5 إخوات بنات وأخين من والدي، وكنا عائلة كبيرة وأبويا كان مرتبه قليل وحياتنا ماشية بصعوبة، وكان ترتيب بين اخواتي قبل الأخيرة، وأبويا كان بيجيبلي جزمة مرة واحدة كل سنة، واللى حصل وأنا صغير معمليش عقدة لما اتشهرت وبقيت نجم ومعايا فلوس.وأضاف: عقدتي الوحيدة دلوقتي في الجزم، أنا أكتر شخص في العالم بيحب يشتري جزم، وأفتكر إنى كنت بحاول أجمع مصروفي وأنا صغير علشان أوفر جزمة تانية غير اللى الجزمة اللي أبويا بيجيبهالي.
وواصل حديثه: المال بالنسبة لي مهم علشان تأمين مستقبل عيالي، ومش عايزهم يحتاجوا لحد.
https://youtu.be/aOjTXMRCQq8
وكشف أحمد فهمي، عن نصيحة لا تنسى من والده قائلا: أبويا كان دايما يقولي اقعد اشتغل من قلبك لحد لما يبقي عندك 45 سنة، واذا حصل لأي شيء إنك متقدرش تشتغل تكون مكون نفسك بشكل كويس وتقدر تعيش حياتك دون الحاجة لأحد، لأن قوتك البدنية وصحتك هتقل بعد الـ45 سنة.
من جهة أخرى، لفت إلى أن فترة جائحة كورونا جعلته يعيش مرحلة الاتزان، معلقًا: قبل كورونا كنت شخصًا متسرعًا وباخد قراراتي بسرعة دون تفكير ورؤية، ودلوقتي بقيت متزن جدًا.
وأكد أنه بالرغم من تأثره بمن حوله إلا أنه لا يثق إلا في آرائه.
اقرأ أيضًا..تامر حسني يفاجئ معجبة فقدت الذاكرة وأصيبت بالشلل بهذه الطريقة
