محمد إمام لأحمد السعدني:" ربنا يخليك ليا ياأجدع أخ"

وصف الفنان محمد عادل إمام، زميله الفنان أحمد السعدنى بالأخ الجدع، ذلك بسبب وقوفه بجانبه خلال تصوير فيلم ليلة هنا وسرور، عند اعتذار نجم آخر، ليحل مكانه السعدنى على الرغم من مرضه ومروره بأزمة صحية.

ونشر محمد إمام صورة له مع محمد إمام عبر مواقع مشاركة الصور والفيديو إنستجرام وعلقّ عليها قائلًا:"فى فيلم ليلة هنا وسرور كان المفروض فى نجم كبير هيقوم بدور أبن عمي "سلطان" .. النجم ده أعتذر فى أخر وقت لظروف خاصة بيه".

وأضاف :"والمشهد كان فعلاً صعب و كان بقٰلنا كتير بنستعد له مع فريق الاكشن اللي جاي من بره ..ده غير إن الديكور كان مبنى و كانت هتبقى خسارة جامدة للمنتج لو كنا أجلنا تصوير المشهد".

وتابع:"المهم كلمت أحمد السعدني و كان لسه خارج اليوم اللى قبلها من المستشفى لأسباب صحية و قولتله "عندي مشكله و محتاجك" .. نص ساعة و لقيته داخل عليا في التصوير .. قعد يتمرن يوم بحاله و هو عيان على مشهد الأكشن اللى هيصوره و تاني يوم قعد حوالى ٢٠ ساعة يصور في المشهد بدون أى مقابل .. السعدني أكبر مثال على "الأخ الجدع" .. ربنا يخليك ليا يا أخويا يا حبيبي ".