مشاهير الفن

«محترمش رغبتي».. حلا شيحة تعلن توبتها وتفتح النار على تامر حسني

أثارت الفنان حلا شيحة، جدلًا برسالة نارية وغاضبة وجهتها إلى الفنان تامر حسني، بعد صدور كليب بحبك من فيلم مش أنا؛ حيث أعلنت توبتها عن الفيلم.

حلا شيحة غاضبة

وقالت حلا شيحة اليوم الخميس عبر “انستجرام”: أنا اتفاجئت جدًا بنزول كليب يجمع فيه مشاهد متفرقة من الفيلم وخصوصا بعد آخر بوست نزلته ووضحت فيه أنا إيه واتفاجئت أكتر خصوصا بعد وعد تامر حسني ليا وتأكيده أنه حیحترم رغبتي وبعض الطلبات اللي طلبتها منه بكل احترام وود الصيف اللي فات وأکدلي إنه حيحترم رغبتي”.

وأضافت: “إحنا يمكن نجحنا بمقاييس الدنيا بس صدقوني بمقايیس ربنا احنا لم ولن ننجح.. أنا مش حتكسف من حد أنا تبت من المشاهد دي وهي لا تصح”.

وتابعت: “وأنا غلطت وبصلح وأهم حاجة ان ربنا يرضى عني لان في الاخر ده اللي حينفعنا مش الشهرة ولا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا الفن لو بيخلينا نبعد عن منهج ربنا ومنبقاش قدوة لولادنا يبقي باطل و ميبقاش فن”.

كما استعانت بفيديو قديم للمطرب تامر حسني تمنى من خلاله أن يموت وهو ليس مطرب.

وقالت له: احنا كلنا عندنا امتحان في الدنيا دي وحابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك و جوانا كلنا.

واختتمت: شوفه تاني يمكن يفكرك ان جواك اكيد في صراع وانا وكلنا.. كلنا بنغلط بس المهم في الاخر نتدارك الغلط و نصلح.{إِلَّا مَن تَابَ وَءَامَنَ وَعَمِلَ عَمَلࣰا صَـٰلِحࣰا فَأُو۟لَـٰۤىِٕكَ یُبَدِّلُ ٱللَّهُ سَیِّـَٔاتِهِمۡ حَسَنَـٰتࣲۗ وَكَانَ ٱللَّهُ غَفُورࣰا رَّحِیمࣰا}.. الله على كلام الله وجماله يا سلام لو أصواتنا ومواهبنا كلها نستعملها في الخير عشان ييقا فن بجد.

اقرا أيضًا:حفل روبي يثير الجدل.. «مش هغني لو منعوا دخول المحجبات»

الرابط المختصر :
close

مرحبا 👋

سعداء بالتواصل معكم
قم بالتسجيل ليصلك كل جديد

نحن لا نرسل البريد العشوائي! اقرأ سياسة الخصوصية الخاصة بنا لمزيد من المعلومات.

اظهر المزيد

مقالات ذات صلة

اترك تعليق

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى