مشاهير الفن

رد غير متوقع من تامر حسني على حلا شيحة

حرص المطرب المصري تامر حسني، على توضيح موقفه من الأزمة التي أشعلتها حلا شيحة بسبب فيديو كليب بحبك من فيلم مش أنا، والذي يعرض حاليًا في السينمات.

تامر حسني وحلا شيحة

وقال تامر حسني في منشور مطول عبر حسابه  الرسمي على موقع التواصل الاجتماعي «فيسبوك»: الحقيقه عمري ما بتخيل إني أدخل في نقاش بالشكل دا مع زميل بحترمه و كان في بينا كل خير.

وتابع: «للتوضيح بما إنك يا حلا كتبتِ بوست وأشركتِ الجمهور الكريم معانا بدال ما كنت تكلميني شخصيًا ونتناقش بيني وبينك، فأنا مضطر أرد هنا برضو».

وأضاف: أولاً أنا عمري ما وعدتك إن الكليب مش هينزل دا محصلش أصلًا يا حلا مش أنا خالص اللي أوعد وأخلف… الحقيقه إني احترمت كلامي معاكي ووعدتك أشيل مشاهد تانيه طلبتيها وشيلتها بالفعل وشكرتيني عليها ولو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف أو كلميه يبعتهالك كلها موجودة، وبعدين الفيلم بقاله ٣ أسابيع في السينمات والكليب موجود جوة الفيلم هو بالنسبالك الحرام إننا ننزل الكليب على يوتيوب بس !! إنما الكليب يتشاف جوه السينمات عادي؟؟ منطق غريب فعلاً يا حلا.

تامر حسني

واستكمل تامر حسني: “وبعدين هو مش أنتي اللي مضيتي عقد وتقاضيتي عليه مبلغ كبير عشان الدور دا بعينه !!!!! هو مش إنتي اللي صورتيه و مثلتيه بنفسك و بمنتهى الرضا ولاّ حد أجبرك ؟!!!!!! وللتوضيح للجمهور الكريم أنا و المخرجه الأستاذه ساره وفيق بعتنالك و كنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها، ماكنتيش بتردي علينا و تليفوناتك كلها كانت بتقفل في وشنا”.

وتابع: “إنت للأسف يا حلا متعاملتيش صح مع الموقف كان لازم تهتمي بأمرك أكتر من كدا ولو كان ليك أي طلب تاني كنت هعمله بكل حب إنما إنتي فجأه اختفيتي ومكملتيش تركيب صوتك في الفيلم ولا جيتي تتصوري عشان آفيش الفيلم أصلًا ومخليتيناش نعرف نعمل آفيش مجمع!!! و بقيتي تقفلي تليفوناتك و تكنسلي علينا كلنا وبعدين أي فيلم بيبقى ليه خطة مسبقة في الدعاية وأنت عارفاها كويس ووافقتي عليها ودا كليب رومانسي يعني معقول كنت عايزة المنتج يشيل كل مشاهدك اللي صورتيها من الكليب و يطلعني بغني وبقول الكلام الرومانسي دا للأستاذ ماجد الكدواني مثلاً هو دا يُعقل؟؟!!!!!”.

واختتم رسالته: “أنا زعلان منك جداً يا حلا على مفردات البوست بتاعك غير الموفقة و مستحيل هرد بطريقتك اللي فيها تجريح و اتهامات باطلة ليّ إحترامًا لحجات كتير يمكن فايتاكي بس مش هتفوتني وعلى فكرة انا واثق إنك عارفة إني مستاهلش منك كدا و هكتفي بالتوضيح دا وربنا يهدي الجميع و يكتبلك كل الخير اللهم آمين”.

اقرأ أيضًا: «محترمش رغبتي».. حلا شيحة تعلن توبتها وتفتح النار على تامر حسني

الرابط المختصر :
close

مرحبا 👋

سعداء بالتواصل معكم
قم بالتسجيل ليصلك كل جديد

نحن لا نرسل البريد العشوائي! اقرأ سياسة الخصوصية الخاصة بنا لمزيد من المعلومات.

اظهر المزيد

مقالات ذات صلة

اترك تعليق

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى