منى زكي تفجر مفاجآت عن والدتها: «اتجوزت في سن الـ14 وهربت من جوزها»

تحدثت الفنانة المصرية منى زكي، لأول مرة عن أسرارها العائلية؛ حيث روت تفاصيل تعرض والدتها لمشكلات منذ سن صغيرة، وتورطها في الزواج وهي في عمر الـ 14.

منى زكي

وقالت، في تصريحات تليفزيونية: "بابايا كان نصير للمرأة وقصته مع مامتي قصة جميلة".

وتابعت: مامتي باباها حصله ظروف وهي عندها 14 سنة، وخسر فلوس كتير، ومامتها من خوفها كست مصرية، لأن كان عندها 5 ولاد جوزت بنتها وهي عندها 14 سنة لراجل كبير جدًا".

وأضافت منى زكي: هي كانت ساذجة لدرجة مش فاهمة يعني إيه جواز، وقضت 4 شهور من حياتها مع زوج أكبر منها بكتير جدًا، وحملت منه وهربت أول ما حملت منه راحت قعدت عند خالتها، من كتر ما هي مش قادرة تتخيل العيشة دي.

واستكملت: "وكانت عايزة تكمل تعليمها وعملت كده. فضلت قاعدة عند خالتي وكملت تعليمها، وبابايا شافها وحبها، وعارف إنها متجوزة ومخلفة وخد كل ده في حضنه وحبها حقيقي. وشايف إن دي حاجات ما كسرتهاش وقوتها أكتر، وكان كتير هو اللي يتسند عليها. وأول ما كملت تعليمها إتطلقت وإتجوزت بابايا".

على الصعيد الفني، يعد مسلسل لعبة نيوتن آخر أعمال الفنانة المصرية، الذي خاضت به مارثون دراما رمضان 2021، وحقق نجاحًا كبيرًا وصدى واسعًا في الشارع المصري لما ناقشه من قضايا تخص المرأة والزواج والطلاق وغيرها.

اقرأ أيضًا: ختمات قرآن ودعاء من أسرة سمير غانم.. وإيمي توجه رسالة لوالدها