شهيرة تسخر من رئيس مهرجان القاهرة السينمائي الـ 42
يبدو أن تجاهل تكريم محمود ياسين، في مهرجان القاهرة السينمائي الـ 42 لم يمر بهدوء؛ حيث ارتفعت حدة الهجوم من قبل أسرة الفنان الراحل.
وجهت الفنانة شهيرة سخرية مباشرة لمحمد حفظي رئيس مهرجانى القاهرة الـ 42، بينما أصدر عمرو محمود ياسين وشقيقته رانيا توضيحًا يكشف عن اكتفائهم بمحبة الجمهور لوالدهم.
مهرجان القاهرة السينمائي الـ 42
واستفز تصريح محمد حفظي، بعدم تكريم اسم محمود ياسين خوفًا من اتهامه بتقليد مهرجان الجونة زوجة محمود ياسين.وردت شهيرة بمنشور عبر حسابها في الفيس بوك قائلة: هههه والنبي ده رد رئيس مهرجان عريق والله عيب جه يكحلها عماها.
وخرجت رانيا محمود ياسين ببث مباشر عبر حسابها بموقع الفيس بوك، قالت فيه: أستاذ محمود ياسين لو عايش هيهتم بحب الناس ومش هيهتم بأي تكريم تاني، وعايز أرد على المنتج محمد حفظي اللي تعليقه كان حقيقة بالنسبة ليا غريب وبرحته أنه مش عايز يعمل زى مهرجان الجونة.
وتابعت: لكن أن يتم تجاهله على شاشة المهرجان السينمائي كمان، اللي مفروض يبقى مهرجان يُمثل مصر يجب أن يكون نجوم السينما المصرية على شاشة المهرجان مش بس نجوم العالميين بس، لأن نجوم السينما مصرية هم الأساس وصنعوا السينما، وأنا مش اندهشت من تعليق أستاذ محمد حفظي لأن أساسا السينما المصرية كلها لم يتم ذكر اسمها.
وأضافت: "محمود ياسين نجم وإضافة لأى مهرجان، وإحنا كعائلة مش زعلانين ومفيش حاجة تزعلني بعد أبويا و لو أبويا كان عايش هيقول كفاية حب الناس والمشاعر الصادقة.. ومتشكرين لرد على محمد حفظي وأنه مش عايز يقلل من مهرجان الجونة والناس تكريمها كفاية".
واختتمت: أنا لم يشغل لي تصريحه وأنا في حالة حزن ومش فاضية، وطلعت أرد بسبب الناس وبشكر كل الناس اللى بتحب محمود ياسين وبيدعو لى بجد ابويا كان محظوظ بحب الناس وشكرا لكل الناس اللى بتدعمنا طول الوقت بكلامهم كلامكوا على ابويا زيكم زي اهلى تقديركم.
اقرأ أيضًا.. أخر تطورات الحالة الصحية للفنانة فيفي عبده.. «لا تتحرك»
