المنتج جمال العدل: «التعاون مع السعودية إضافة مهمة»

سلط المنتج المصري جمال العدل، الضوء على التعاون المرتقب للسعودية مع مصر في مجال الفن؛ مشيرًا إلى أن هذا التعاون سيثمر بالعديد من الأعمال الفنية الناجحة.

وطالب المنتج جمال العدل؛  رئيس مجلس إدارة شركة العدل جروب، في لقاء تلفزيوني بالاستفادة من خبرات كبار الكتاب في لجان تقييم نصوص الأعمال الفنية.

https://youtu.be/E-jym-9hPCg

وأضاف: "بلا نقاش عندنا أزمة نصوص. السوشيال ميديا، وإن الشباب بقى بيتفرج على حاجات بره مش شبهنا شوية، والورش اللي اتعملت للكتابة، خلت طعم الكاتب زي محمد صفاء عامر، أو محمد جلال عبد القوي، أو بشير الديك معادش موجود.".

وتابع: " تركي الشيخ موجود دلوقت في مصر، وحيستخدم نفس الناس دول في 50 أو 60 مسلسل. دي إضافة مهمة يبقى في تعاون بينا وبين السعودية، لإن هما مفتوح عندهم شاشات كتير."

وردا على سؤال "لماذا لا نستعين بالكبار؟" قال: "الكبار رائعين وكل حاجة، بس مش حيبقى نفسه يكتب زي زمان. إنما ليه ميبقاش في لجنة التقييم. نستعين بخبرات بشير الديك العظيم يكتب، بس مش حيكتب بالغزارة اللي تسمح لنا نعمل مسلسل 60 حلقة"

اقرأ أيضَا: لأول مرة.. دينا الشربيني وتقلا شمعون في دراما خارقة للطبيعة