كشف النجم المصري محمد منير، عن استعداده للزواج من أي فتاة مطلقة، مؤكدا أنه يعيش دوما في قصص الحب، ولكن لا يعلن عنها احتراما لخصوصية الطرف الثاني.
ورد مازحا على سؤال حول سبب عدم تكرار تجربة الزواج: بلاش يا لميس السؤال ده؟ لأني كل يوم بتنقل من قلب لقلب علشان كده خايف على الأجيال الجديدة علشان الطلاق بيحصل بسرعة، الأولاد بيشوفوا البنات في الصيف "بالمايوه" وفي الشتا يطلق عشان كده البنات بتتطلق كتير، مضيفًا: أي بنت مطلقة أنا جاهز للجواز.
وواصل حديثه قائلا: أسمع من الأجيال الحالية عمرو دياب، وعلى الحجار وبسمع مهرجانات، والمهرجانات مش وحشة، وفيه فن كويس وفن وحش.
ووصف منير انتشار جائحة كورونا بالعقاب الإلهي، وقال: واضح إننا أغضبنا ربنا في العالم كله وأتذكر فيلسوف ألماني كان بيكلمني منذ قريب وبيقلي إن كورونا دي لعنة والكمبيوتر برضه وده رأيه مش رأيي بس أنا بأيده، وأنا عايش في ألمانيا من سنة 1991 عشان كده سر علاقتي بيهم إني كل ما بسافر بسافر بباسبور مصري وبرجع برضه بباسبور مصري فيبقى الوطن الأول هو مصر والوطن الثاني هو ألمانيا.
اقرأ أيضا.. سميرة سعيد تفاجئ جمهورها بعد عدم مشاركته في يوم الحب 2021