مشاهير الفن

رسالة مؤثرة من حلا شيحة.. هل ستعود للحجاب والاعتزال!

كتبت الفنانة العائدة من الاعتزال حلا شيحة، تعليقًا مؤثرًا على وفاة الفنان المصري سمير غانم.

ونشرت حلا شيحة، خلال الساعات الماضية، صورة من جنازة الفنان الراحل، عبر حسابها الرسمي على موقع التواصل الاجتماعي انستجرام.

وعلقت: “مشهد محتاج لحظات للتأمل ووقفة طويلة مع النفس، كل ما تحصل حالة وفاة من قريب أو بعيد بلاقي نفسي جوا المشهد وبتخيل اللحظة دي، لأنها مفيش مفر منها حتيجي فجأة أو بعد مرض المهم إنها جاية وكلنا هنمر بيها..‎ وبفكر يا ترا هل أنا مستعدة للحظة دي؟! مستعدة لاستقبال عالم تاني؟ مستعدة أقابل رب العالمين؟! مشهد مرعب لكن الامتحان خلص خلاص ومستنية النتيجة”.

وتابعت: “كل يوم بيموت من حبايبنا وأقرب الناس لينا كلنا بنحضر الدفن والعزا طب وبعد كده إيه! منا اللي بيكمل عادي زي ما كان ومنا اللي مش عايز يركز في اللحظة دي ومنا اللي بيفكر شوية وخلاص بعدها بينسى ومنا اللي مش هيعدي عليه المشهد ده كده وخلاص.. أنا بسأل نفسي يا ترا احنا بنفني عمرنا في إيه وفي مثل مشهور بيقول العمر مش بعزأة”.

وأضافت حلا شيحة: “مركزين بس في نجاحاتنا وآمالنا ومراكزنا، في مشاكلنا ومطحونين في دوامة عمرها ما هتخلص، ياترا ربنا في حياتنا فعلا ؟! ولا نسينا في الزحمة نفكر إننا ماشين.. ‎ليه بعد كل موقف وفاة مؤلم زي ده بننسى وبنرجع تاني لنفس الحال بتاع بكره حبقي أحسن بكره هصلي.. بكره هرضي ربنا بجد وناس ناسية ربنا أصلا ده حتي بقى الخلاف على الدين نفسه ده حتى الشك اللي اتبنى جوانا من كتر البعد عن ربنا بقي يخلينا نشك في وجود ربنا أصلًا المعايير اتغيرت جوانا والأولويات اتلخبطت”.

‎وتابعت: “مفيش آية في القران عن الدنيا إلا والكلام إن الدنيا لهو و لعب ومتاع الغرور واتحدي أي حد يلاقي غير كدة وبقول لنفسي يا ترى أنا فين من المعاني دي وبسأل نفسي لو مسألناش نفسنا دلوقتي حنسأل امتي ؟!”.

واستطردت: “الدنيا اللي حنعيشها أيام و حنفارقها وبردو متمسكين بيها وفجأة هنلاقي نفسنا في المشهد ده!! ‎لحظة الصدق هي دي لمثل هذا فليعمل العٰملون..‎ مشغولين برأي الناس فينا وشكلنا ومكانا وشهرتنا حتزيد ازاي ومحدش حينفعنا في اللحظة دي.. بفكر كل لحظة علشان بحب ربنا ومتأكدة إننا كلنا بنحبه وبنحب كلامه وكلنا لينا لحظات خاصة معاه سبحانه وكلنا عايزين نكون قريبين منه واحنا بنبعد بدل ما نقرب حتي شهر رمضان بقى شهر لكل حاجة إلا ربنا والقرآن مع إن مفيش أهم من آيات القرآن اللي احنا ناسينه بقالنا كتير وحتى لما نقرأه بيعدي من غير تركيز حقيقي في معانيه وكورونا اللي حاسه إنها دخلت حياتنا عشان تفكرنا وبردو مكملين عادي”.

واختتمت الفنانة المصرية: “‎مش عارفة أعدي المشهد ده كده وامبارح فضلت صاحية وصليت الفجر ومش عارفة أنام بفكر في أستاذ سمير غانم الجميل اللي كنت بتفرج عليه من صغري وقبله أستاذ محمد الصغير وفكرت لو ده كان معادي حكون مستعدة؟! كلام صعب بس ده اللي جوايا”.

وتكهن الجمهور بأن حلا شيحة تفكر في العودة للحجاب والاعتزال مجددًا، خاصة بعد زواجها من الداعية معز مسعود؛ حيث يرى الجمهور أن الأجواء متاحة لعودة حلا للحجاب والاعتزال الآن.

ورحل الفنان الكبير سمير غانم، عن عالمنا عن عمر ناهز الـ84 عامًا، بعد تعرضه لوعكة صحية، على خلفية إصابته بعدوى فيروس كورونا وعانى من خلل فى وظائف الكلى، نقل على إثرها لغرفة العناية المركزة بأحد مستشفيات المهندسين.

الرابط المختصر :
close

مرحبا 👋

سعداء بالتواصل معكم
قم بالتسجيل ليصلك كل جديد

نحن لا نرسل البريد العشوائي! اقرأ سياسة الخصوصية الخاصة بنا لمزيد من المعلومات.

اظهر المزيد

مقالات ذات صلة

اترك تعليق

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى