والدة فنان مصري شاب تتوعد محمد رمضان: «انت مش أهم من ابني»
فتحت الفنانة المصرية ليلي ونس، النار على الفنان محمد رمضان، بسبب إصابات تعرض لها نجلها أثناء تصوير إعلان مع الفنان المصري.
وكشفت الفنانة المصرية تفاصيل تعرض نجلها للإصابة في الإعلان؛ حيث تعرض كذلك محمد رمضان للإصابة.
وقالت إنه تم زرع قنبلة قريبا من ابنها بدون علمه، موضحة أن محمد رمضان كان على علم بما يحدث، لأنه نجم العمل وعلى علم بكل التفاصيل.
وقالت ليلي ونس عبر حسابها الشخصي على موقع التواصل الإجتماعي فيس بوك: «إذا عملنا كل حاجة طبيعية وحقيقية كنا هَلَكنا، ولاتُلقوا بأيديكم إلى التهلُكه. يعنى إذا في مشهد يا أستاذ محمد التمساح بياكلك نترحم عليك ويبقى آخر مشهد في حياتك».
وتابعت: «تعلمنا مهنة التمثيل على يد عظماء التمثيل ولم يُطلق عليهم هذه الكلمة المزعومة النجم والنجمة، في مهنتنا يا أستاذ محمد رمضان وانت وأنا وكلنا عارفين إن ما يسمى بالنجم استغفر الله العظيم بيتعاملوا معاه في اللوكيشن كأنه إله هو المِحور والكل يدور حوله، هل ممكن تتعرض لما حدث لابنى في التصوير معاك، مستحيل طبعا بتعمل أكشن وبتبقى عارف قبلها كل تفاصيله مرة واتنين وعشرة واللى عاجبك بتوافق عليه واللى مش عاجبك بتغيره على هواك ماحدش بيفرض عليك حاجة، يعنى القنبلة اللى زرعها عصام الوريث لابنى تحت منه ومن غير ما يقوله ولا حتى يلبسوا واقى يقدر يعمل معاك كدة؟».
وأضافت: «ليه أنت بنى آدم وابنى مش بنى آدم أنت أغلى الناس عند والدتك ويوسف نن عينى ومافيش أغلى من الضنا حط إبنك مكان يوسف هاتقول برضه كله في حبكم يهون».
وتابعت ليلي ونس: «أرجع واقولك ابنى ربنا هايجبله حقه من اللى اسمه عصام الوريث دة اللى ميعرفش أبجديات عمله اللى بيستبيح حياه الشباب عشان يحقق الطبيعيه المزعومة الغلط اللى حضرتك بتتكلم عنها حق ابنى إن شاء الله هايرجعله مش هاسيبه عشان يبطل سى الوريث دة أنه يستهين بحياه الناس، سؤال بقى لما نموت سيادة النجم هايندفن فين؟ الديان والعدل والحق موجود وأعتمدنا عليك يارب».
وكان رمضان أصيب أيضًا أثناء تصويره نفس الإعلان ونشر ڤيديو أثناء وجوده في المستشفي وعلق عليه: «الحمد لله وقدر الله وما شاء فعل.. إصابتي كانت شديدة أثناء تصوير النهاردة، ولكن الحمد لله.. الأهم إن الشغل يوصلكم حقيقي وكله في حبكم يهون.. ثقة في الله نجاح دائماً وأبداً.. رمضان يجمعنا».
اقرأ أيضا.. فيديو| سقوط عمرو دياب أثناء الغناء والإصابة تضعه في الصدارة
