لهذا السبب حلا شيحة غاصبة من جمهورها

وجهت الفنانة حلا شيحة رسالة شديدة اللهجة لجمهورها عبر موقع التواصل الاجتماعي فيس بوك، عقب نشر بعض متابعيها صورًا من أفلامها السابقة قائلة:" حابة أوضح حاجة بسيطة اَي حد بتعمد ينزل لي صورة من أفلامي السابقة علي صفحتي لن يستفزني أبداً بفضل الله، والذنب مش أنا اللي هخده ده حيكون كله علي الشخص اللي سولت له نفسه الأمر".

وأضافت "شيحة"عبر حسابها الرسمي بموقع التواصل الاجتماعي فيسبوك "ده أنا بخاف من الله وحده الحمد لله قوية جدًا بالله وحده ثم الدعاء، وأدعوا الله الثبات في كل لحظة في يومي، وأنا ذقت الحياة بعيد عن الله، وبالقرب منه ولا أتخيل حياتي أن تعود كالسابق والحمد لله، أنا بنت ناس طيبين وعائلة طيبة ولي في حياتي السابقة بعض الأخطاء لكن أخطاء بنت في سن صغير شئ وارد و لابد منه".

وتابعت الفنانة، "كل الإنسان يخطئ ولابد أن يخطئ، وإلا فكيف يعرف الصواب، لست ُ نادمة على شيء مر من حياتي، لأن كل ما مضى قادني إلى الله ومحبته والتعلق به الدنيا دار اختبار لكل الناس، إحنا جينا هنا لحكمة عظيمة ولهدف ولو الإنسان مسألش نفسه وحاسب نفسه كل فترة حيعيش كدة وخلاص".

وتابعت "شيحة" حديثها، "لازم نسأل نفسنا إحنا مين وهنا ليه وإيه السبب في وجودنا، أسئلة غيرت حياتي وحياة ناس كتير، واللي بيسأل بصدق غير اللي بيضحك علي نفسه بشوية أوهام تريحه وحيصدقها و خلاص، علشان كدة بقول لأي حد بيحاول يأذيني علي الصفحة أو يقول كلام عني بيحاول بيه يضايقني أقوله صعب تعرف لأن مصدر قوتي وصبري واستمراري في طريقي من الله القوي المتين الجبار العزيز اللي لو كنت تعرف قدره مكنتش حتي فكرت إنك تإذي نفسك أيوة انت فعلا أذيت نفسك أما أنا ففوضتُ أمري إلى الله والله المستعان على ما تصفون".