زوجة الفيشاوي تحذف هجومها غير اللائق على محمد رمضان

admin2030

01 مايو 2021 | 01:20 مساءً

يبدو أن زوجة أحمد الفيشاوي ندى كامل، اضطرت إلى حذف منشورها الأخير الحاد على الفنان محمد رمضان، على خلفية أزمته مع أحد مصممي الأزياء.

محمد رمضان

وعلقت بمنشور آخر أقل حدة وكتبت: "يا نجم مش عيب أبدًا إن الإنسان يكون غني ومعاه فلوس ومبسوط بيها طالما هو شقي وتعب فيها.. بس العيب عليك دلوقت، مفيش دلوقت في العالم كله وبتكلم عن الناس اللي معاها فلوس حد ماشي زيك كده".

وأضافت: "الناس الفنانين والرياضيين ونجوم المجتمع بيكون عندهم big team عشان يهيئ حياتك وتعرف بتعمل إيه بفلوسك، ومفيش حد دلوقت غير وهو عنده life coach بيعلمك ويعرفك تطلع تقول إيه وإزاي وامتى ودي مش عيب أبدًا، الحاجات دي اتعملت مخصوص للناس اللي زيك، اللي هما في مستوى عقلي واجتماعي ضعيف أو ناس أغنية جدا ولازم team يدير الفلوس دي ومعاها حد يعرفك بتعمل إيه".

وبدأ الصراع عندما تدخلت زوجة الفيشاوي في أزمة أحد مصممي الأزياء الذي كشف عن معاناته مع محمد رمضان، ورفضه دفع أموال ملابس حصل عليها من تصميمه.

وقالت في منشورها غير اللائق والذي تم حذفه: "ما تدفع يا نجم تمن الهدوم اللي خدتها، وخليت مدير أعمالك ميردش على الراجل الترزي سنتين ولما جه عندك عاملوه بطريقة بايخة، كنت ادفع أحسن من الفضيحة دي.. ادفع تمن الـ4 سديري والـ3 بدل، ولا هو كل شوية فالح بس تقولنا وغنيتهالنا كمان أن كل هدومك فيرساتشي فيرساتشي وأنت بتقلدهم ومخيط نص هدومك عند الترزية، وفاكرنا عبط ومنعرفش الأصلي من المضروب، وملناش دعوة".

وتابعت زوجة أحمد الفيشاوي: "من فضلك يا نجم البس في صمت وادفع اللي عليك.. ورجاء أخير يا ريت تنطق كلمة versace صح".