مشاهير الفن

دينا الشربيني تشبه الزواج بشراء حقيبة: «بترميها على الأرض بعد ما تزهق»

جذبت الفنانة دينا الشربيني الأنظار إليها، أمس الأحد، في الظهور التلفزيوني الأول لها عقب أنباء الانفصال عن الهضبة عمرو دياب.

وكشفت الفنانة المصرية عن رأيها في أسباب فشل مؤسسة الزواج، مؤكدة أن “العشرة” تكشف حقيقة كل شخص.

وقالت في حوارها مع  النجم عمرو يوسف في الحلقة الأولى من برنامج «بصراحة مع»، المذاع على فضائية MBC: للأسف إحنا بناخد فكرة الجواز أنها نهاية العلاقة مش بداية العلاقة، ده مش حقيقي، المفروض أن بيكون في فترة تعارف ووقتها الاتنين مش بيكونوا على طبيعتهم، كل واحد بيحاول يجذب اللي قدامه ويطلع مثالي عشان الاتنين يتبسطوا مع بعض، تقول مثلا عايزة سلطة وبلاش أكل أو عصير وفجأة يلاقيها بتضرب أي حاجة في التلاجة.

تابعت قائلة: الفكرة أن المشاكل الحقيقية بتبدأ لما أي حد يعيش مع التاني، بتشوفه على حقيقته، ولو كانت مبينة الحقيقة من الأول مظنش أن ده هيحصل.

وتابعت: كل واحد من الطرفين بيتخيل أنه بيمتلك اللي قدامه، ومش قصدي على الرجالة بس، لما بيبقى نفسك في شنطة أوي بعد ما تمتلكها عادي ممكن ترميها على الأرض، كمان التعود حاجة سلبية، اللي هو خلاص أتجوزتها خلاص وتحط في بطنك بطيخة صيفي، المفروض كل يوم يبقى وكأنه يوم جديد وحياة جديدة.. أنا بحب الحب أوي.

وعن أكبر مخاوفها قالت: أكتر حاجة بتخوفنى أخاف أفقد حد بحبه وبخاف من الزمن يعني بخاف من بكرة وبخاف على أهلي من فكرة الفقدان وده بيرعبني.

وروى عمرو يوسف، موقف يكشف عن جوهر شخصية دينا قائلا: “وإحنا بنصور ودينا داخلة رفيعة وجميلة وشكلها حلو تيجي تقولي تخنت شوية وشكلى وحش وعاوزة أخس”، ثم ردت دينا عليه قائلة: طول الوقت مترددة ومن جوايا ودائما بحس في الشغل أنى ممكن أعمل أحسن من اللى عاملته.

وانتقد الفنان عمرو يوسف، في دينا الشربيني أنها “شايفة كل الناس جميلة”، وهو أمر عكس الحقيقة.

وردت عليه قائلة: حاولت أغيّر الحتة دي فيّا بس ده طبع عندي، انت فعلا بتفكر أكتر مني، أنا طريقة تعاملي مع الناس عشوائية حتى في شغلي، ومعنديش خطة.

اقرأ أيضًا.. عبدالله السدحان وناصر القصبي.. خلاف أم افتراق؟

الوسوم
اظهر المزيد

مقالات ذات صلة

اترك تعليق

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق