مشاهير الفن

حورية فرغلي: «جاملت محمد رمضان في أفلامه ومفكرش يسأل علي»

عبرت الفنانة المصرية حورية فرغلي، عن شعورها بالخذلان من قبل الوسط الفني، كاشفة مفاجآت بشأن بعض النجوم في مصر.

وقالت الفنانة حورية فرغلي، في تصريحات تليفزيونية: إن الفنان محمد رمضان لم يسأل عليها خلال فترة خضوعها للعديد من العمليات الجراحية، رغم أنها ساعدته في بدايته.

وتابعت: “من ضمن الناس اللي أنا استغربتها جدا، أنا مش بشحت السؤال، محمد رمضان. عبده موتة هو اللي كلمني وأستاذ أحمد السبكي يشهد على ذلك، وطلب مني أبقى بطلة قدامه علشان مكانش في أبطال ساعتها عشان كان لسه وجه جديد، وعايز بطلة ليها اسم تطلع قدامه. أنا عملت الفيلم ده، وعملت قلب الأسد وحياة المصحف الشريف مخدتش مليم.”

وأضافت: “فاتت الأيام وكان هو بيصور تقريبًا الأسطورة، وأنا كنت بصور طلق صناعي، وكنا في نفس اللوكيشن وبيني وبينه باب، وعرف إني موجودة. حاولت أروحله قالولي بيغير، قلتلهم أنا موجودة عايزة أسلم عليه، ومحاولش يسلم علي”.

وردًا على سؤال “عايزة تقوليله إيه النهاردة؟” قالت: “أقوله إيه، كفاية اللي هو فيه”.

وفجرت مفاجأة أخرى، بقولها إن الفنانة أمينة خليل لم تسأل عنها خلال فترة مرضها، رغم أنه تربطهم علاقة قرابة.

وتابعت: “مامتها تبقى بنت خالة مامتي، وهي مكلمتنيش خالص معرفش ليه. هو أصلا إحنا مش قريبين والعلاقة غريبة. الحقيقة هي مفكرتش حتى تسأل عليا، ولا جالي منها ماسج، ولا مامتها كلمت مامتي مثلا تسألها عني”.

وردا على سؤال “في مشاكل بينكم؟” قالت: “لأ مفيش مشاكل بس أنا معرفهاش كويس، لإني طول عمري كنت عايشة بره، وعرفتها لما جيت مصر وكبرت، وأنا أصلا في التمثيل قبلها، وكنت فرحانة إنها موجودة، بس كان دايما أشوفها في الكوافير مثلا كان بيبقى في برود في التعامل”.

اقرا أيضًا: هالة صدقي: «رجعت مصر علشان أحضر فرح.. حضرت جنازة واعتذرت عن الزفاف»

الرابط المختصر :
close

مرحبا 👋

سعداء بالتواصل معكم
قم بالتسجيل ليصلك كل جديد

نحن لا نرسل البريد العشوائي! اقرأ سياسة الخصوصية الخاصة بنا لمزيد من المعلومات.

اظهر المزيد

مقالات ذات صلة

اترك تعليق

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى