تامر حسني: «نواجه الآن حقد وغل وطاقة سلبية»

عاد الفنان تامر حسني للحديث إلى جمهوره من جديد، عبر منشوراته التي ينشرها على منصة "انستجرام" ؛ حيث كشف أعن السبب الذي يدفعه لتوجيه نصائح باستمرار للمواهب عبر حسابه.

وقال المطرب المصري: نهاركم جميل زيكم، من كام يوم نزلت بوست تحفيزي ليكم عن النجاح والحقيقة فرحت أوي من استقبالكم للبوست، وسبحان الله حسيت ناس كتير كانت مستنية تسمع كلام زي دا، يا جماعة احنا في العصر الصعب دا بنواجه كمية حقد وغل وكراهية وطاقه سلبية مش طبيعية، لازم نرد عليها بالعكس لازم يكون في طاقة أكبر بترد على كل الإحباط دا.

تابع قائلا: الحقيقة إن أنا عندي بعض الخبرات في الحياة من خلال رحلتي المتواضعة أحب أوصلها ليكم، هحاول كل كام يوم اتناقش معاكم في موضوع أو اقترح عليكم حاجة بعملها دايماً، هبدأ بحاجة بعملها بإستمرار وعلمتها للمقربين مني ومواظبين عليها من سنين، وهي إنكم حالاً تستحضروا ناس في دماغكم بتحبوهم وتدعولهم بأسمائهم في ظهر الغيب بكل اللي يتمنوه".

واختتم: كل فتره نكررها ونثبتها زي ما بنثبت حجات تانيه في حياتنا مش بالأهمية دي، والله هتلاقوا تساهيل كتير حصلت مش هتعرفوا بتحصل منين، يلا بينا دعوات.

اقرأ أيضا.. رسميًا.. درة تتعاقد على مسلسل «بين السما والأرض»