أعلنت النجمة داليا البحيري؛ عن إصابة زوجها رجل الأعمال حسن سامي، «بفيروس كورونا المستجد»، وخضوعها والأولاد والعاملين في منزلها لعمل مسحة للتحقق من انتقال العدوى أو صحتهم.
وقالت في تدوينة: «أوك...أنا حبدأ بألف حمد وشكر ليك يارب؛ لأن أنا عارفة ومتأكدة إن إحنا عملنا اللي علينا وزيادة... حافظنا وقعدنا في البيت، وعقمنا وطهرنا، وأنا والحمد لله راضية جدا بقضاء ربنا- سبحانه وتعالى-... حسن جوزي وحبيبي طلع إيجابي كورونا ڤيروس...ربنا يشفيه ويعافيه يا رب».
وتابعت داليا البحيري: «احنا كلنا عملنا مسحات... أنا والأولاد، واللي بيساعدونا في البيت؛ عشان نطمن؛ لأننا كنا مخالطين لحسن... وبإذن الله نعرف النتيجة بكرة بليل... وربنا يجيب العواقب سليمة يارب».
من جهته، قال حسن سامي، عبر تدوينة على موقع التواصل الاجتماعي «فيسبوك»: «الحمد لله على كل شيء، حالتي كويسة جدًا، دعواتكم مكونش نقلت العدوة لمراتي والولاد أهم حاجة، أسألكم الدعاء».
وتابع: «ارجوكم بلاش اتصال، انا كتبت البوست علشان أي حد تعامل معايا أو من القريبين مني يعرف مش أكتر».
اقرأ أيضًا: فيديو| إيمان العاصي تروي تفاصيل رحلتها الصعبة مع كورونا