بشرى: طلبت من خطيبي الشبكة «مدفن».. يا أودعه يا يودعني
كشفت الفنانة المصرية بشرى، عن بعض التفاصيل الخاصة بحياتها والمتعلقة بخطبتها على رجل الأعمال سالم هيكل، خاصة بعد الانتقادات التي طالتها بعد إعلان الخطوبة أثناء تواجدهما في مدينة الجونة.
بشرى وخطيبها
وعلقت «بشرى» في تصريحات لها، على الانتقادات التي وجهت إليها، مؤكدة أنها لا تعير اهتمامًا لمثل هذه الانتقادات، موضحة أن البعض قال إن خطيبها أصغر منها سنًا، وفي الحقيقة هما كبرا سويًا ومن نفس الدفعة الدراسية ولديهم أصدقاء مشتركين من الصغر.وقالت «عاوزة أبص على الجانب الإيجابي من الموضوع إن هذا الإنسان انتظرني 24 سنة علشان أوافق أكون معاه، وأنا كنت بنظرله على إنه صديق وأخ متربيين مع بعض مش شريك حياة».
وأضافت «لكن تجاربنا وتعاملنا مع الناس بيغيرنا وبنرجع نقدر القديم أكتر، لأنه على الأقل واخدك على عيبك وعارفك وأنت بضفاير وقبل الشهرة».
أما عن شبكتها، فاجأت بشرى جمهورها، مؤكدة أنها طلبت شبكتها «مدفن» لتفكيرها في الآخرة مثل الدنيا، ولرغبتها في استكمال مشوار حياتها معه حتى النهاية.
اقرأ أيضًا: «بشرى» تُعلق على تجسيدها شخصية «داليدا» في مسلسل تليفزيوني
وعلقت «علشان محدش عارف أحنا قاعدين لأمتى وماشيين أمتى دايمًا بنتعب إننا نعمل لدنيتنا ونشتري بيوت وعربية، ومعرفش ليه ما بنفكرش في الآخرة زي الدنيا، وأنا طلبت الدار الآخرة لأن نفسي أكمل معاه مشوار حياتي للآخر، ونفضل مع بعض لحد اليوم اللي يا هو يودعني يا أنا أودعه».
وفاجأ رجل الأعمال سالم هيكل، بشرى بالتقدم بخطبتها على هامش فعاليات مهرجان الجونة الرابع، مستعينًا بمساعدة نجوم الفن الحاضرين وعلى رأسهم الفنان خالد الصاوي.
ومن جانبها، كشفت بشرى كواليس الخطوبة أثناء مداخلة مع الإعلامي وائل الإبراشي في برنامج «التاسعة»، قائلة «مش بس الأستاذ خالد الصاوي ده كمان شريف رمزي عن بعد».
وأضافت «ومجموعة كبيرة من زمايلي الفنانين الللي اتفاجئت بيهم وهم بيصطحبوني من ورا المسرح بعد ما انتهيت من الكلمة بتاعتي وحضور الاحتفال، ولقيت مجموعة العمل بتاعتي بتشدني على مكان فافتكرت إن فيه حد جراله حاجة أو وقع عالسجادة الحمرا لأنه ده حصل من يومين مع منتجة أمريكية ووديتها المستشفى».
واستكملت «أخدوني وأنا مش فاهمة إيه اللي بيحصل واستقبلني الأستاذ خالد الصاوي ولقيته بيسألني أسئلة ولقيت فيه حركة مش مفهومة بالنسبة لي، وأنا قبل كده في الكواليس كذا صحفي بيبعتولي حاجات وبقول لهم إيه الكلام الغريب ده وأنا دماغي كلها في الشغل وفي المهرجان، وخطيبي هو كمان صديق طفولة وموجود بحياتي بشكل أو بآخر وعائلتي كلها تعرفه فبالنسبة لي مفيش حاجة غريبة يعني».
