مشاهير الفن

أسرار علاقة أحمد العوضي وياسمين عبدالعزيز.. لماذا طلبت الطلاق؟

كشف الفنان أحمد العوضي، عن تفاصيل بداية علاقته بزوجته ياسمين عبدالعزيز، وكيف تعرف عليها وقصة الحب التي جمعتهما، بالإضافة إلى بعض المشكلات التي واجهتهما بعد الزواج.

وأوضح «العوضي» أثناء حلوله ضيفًا على برنامج «معكم» للإعلامية منى الشاذلي، أن علاقتهما بدأت عندما تم ترشيحه في مسلسل «لآخر نفس»، موكدًا أنها طلبت منه الطلاق بسبب أكله.

وقال «كان نفسي أشتغل مع النجمة ياسمين عبد العزيز، والشركة لما رشحتني قالولي إنه دور ظابط، وانت قلت مش هتعمل دور ظابط، ولكن لما عرفت إنه مع ياسمين عبد العزيز قلتلها لا عادي أنا أعمل الدور مفيش مشكلة».

اقرأ أيضًا: «العوضي» ينشر صورة نادرة لياسمين عبدالعزيز ويغازلها

وأضاف «لما روحت ياسمين شافتني وحطت ايدها على كتفي بشكل جامد كده وأنا مش شايف مين وهي لابسة نضارة، فكنت مستغرب مين ماسكني جامد كده، يعني قفشة في البداية كده نص نص بس بهزار».

واستكمل «تاني يوم بقى روحت البروفة فلقيت المخرج قاعد وفي كرسيين جنبه فاضيين، فقلت لما أقعد على الطرف هاتيجي تقعد في النص مش هاعرف أتكلم عشان هتتكلم مع المخرج برده، فقررت أقعد جنب المخرج وميكونش في كرسي فاضي غير اللي جنبي».

وتابع «وحصل فعلا وجت سلمت عليا وقلتلها معلش مش معايا نسخة من السكريبت ممكن أبص معاكي فقالتلي اتفضل عادي، واتكلمنا بقى وكلمة مني وكلمة منها وضحكت يبقى خلاص قلبها مال، والموضوع جه زي أي علاقة عادي تعارف وإعجاب وحب ثم زواج».

موعد الزواج الحقيقي

أما عن موعد زواجهما، فأكد أحمد العوضي أن الزواج تم في شهر يناير وقت عيد ميلادها، وليس في مايو وقت إعلانهما للجميع.

وقال «لم نعلن لأنّ في البداية احنا مش ضامنين العلاقة هتكمل ولا لا وكنا بنتخانق ونسيب بعض ونرجع تاني لبعض وهكذا، ونخاف نقول على العلاقة وتفضل فتتحسب عليها علاقة وخلاص».

وتابع «العوضي»: «كنا متفقين إننا هنعلن على الزواج في شهر رمضان عشان نكون مركزين في تصوير المسلسلات اللي عاملينها، لكن لما صور العيد ميلاد نزلت الدنيا قامت مقعدتش».

فرق السن

كما أشار إلى أن فرق السن بينهما ليس 12 عامًا كما انتشر على مواقع التواصل الاجتماعي، موضحًا أن ياسمين عبدالعزيز أكبر منه بـ6 سنوات فقط.

وأضاف «وحتى لو أكبر من كده عادي، ولما أعلنا الساعة 4 الفجر كان عشان ياسمين اسمها ميتحطش في سياق مش كويسة وأعرف الناس أن الست دى تخصني».

الغيرة تسيطر على ياسمين

أكد «العوضي» أن ياسمين غيورة جدًا، قائلًا «لما جت مرة عندنا في البيت عند والدي، والأباجورة خبطتها في كتفها وهي قاعدة فبتقولي إيه ده فبقولي دي «دولت» أنا مسميها كده وعزيزة عليا، فراحت مسكاها ورمتها في الأرض مكسراها».

وعن حياتهما بعد الزواج، لفت إلى أن ياسمين عبدالعزيز تخاف منه بسبب أكله، معلقًا «في مرة كنت قاعد وشافتني باكل الحمامة بعضمها، وهي حسستني اني باكل بني ادم واتخانقت معايا ازاي أكلها بالشكل ده وقالت: أنت يتخاف منك».

لماذا طلبت منه الطلاق؟

واستكمل «بعدها بـ3 أيام لقيتني باكل الكبدة نية ودي عادة فيا ومتعود أكلها بدمها، وهي كانت لسه صاحية الساعة 10 الصبح، ولما شافتني بتقولي ده جيلي ولا إيه فقلتلها لا دي كبدة نية ومتزعقيش، فقالتلي أنت بتاكل دم وحاولت اشرحلها وقالت أنت هاتطلقني لما أنت بتاكل كبدة نية هتعمل فيا ايه؟».

وأثناء الحلقة، أرسلت النجمة ياسمين عبد العزيز سؤالاً لزوجها الفنان أحمد العوضي عن أكثر شيء يحبه فيها، والأشياء التي لا يحبها، وما الذي يضايقه منها.

وأجاب العوضي «أكتر حاجة بحبها فيها إنها حنينة وجدعة وفي ضهري، ومفيش حاجة مبحبهاش فيها، وأكتر حاجة بتضايقني منها التطويل في الخناقة بينا أنا بحب الموضوع يخلص في كلمة ونص».

اقرأ أيضًا: شهر عسل منفصل.. ياسمين عبدالعزيز وأحمد العوضي يثيران التساؤلات

الوسوم
اظهر المزيد

مقالات ذات صلة

اترك تعليق

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق